दिवाळी हा सण आनंदाचा, उत्साहाचा आणि दिव्यांचा सण म्हणून ओळखला जातो. या काळात सर्वत्र रोषणाई पाहायला मिळते. हिंदू धर्मात दिवाळीला अधिक महत्त्व आहे. दिवाळीचा सण हा देशभरात मोठ्या उत्साहात आणि थाटामाटात साजरा केला जातो. दिवाळीच्या सणात लक्ष्मीपूजनाला अधिक महत्त्व आहे. या दिवशी देवी लक्ष्मी आणि श्री गणेशाची पूजा केली जाते. यंदा लक्ष्मी पूजनाचा मुहूर्त काय असणार आहे. जाणून घेऊया शुभ मुहूर्त, पूजा साहित्य आणि पूजा विधी.
लक्ष्मी पूजन कधी?
20 ऑक्टोबर 2025 रोजी दुपारी 3 वाजून 44 मिनिटांनी अमावास्या तिथी सुरू होणार असून, 21 ऑक्टोबर 2025 रोजी रात्री संध्याकाळी 5 वाजून 54 मिनिटांनी अमावास्या तिथी समाप्त होणार आहे. उदय तिथीनुसार, लक्ष्मीपूजन 21 ऑक्टोबरच्या संध्याकाळी केले जाईल.
लक्ष्मी पूजन शुभ मुहूर्त
पंचांगानुसार, यंदा दिवाळीत लक्ष्मीपूजनासाठी सर्वात शुभ मुहूर्त म्हणजे 21 ऑक्टोबर, संध्याकाळी 6 वाजून 10 मिनिटे ते 8 वाजून 40 मिनिटांपर्यंत आहे. या काळात तुम्ही घरात ऑफिस किंवा तुमच्या दुकानात विधिवत लक्ष्मीपूजा करू शकता.
लक्ष्मी पूजनासाठी प्रदोष काळ (सूर्यास्तानंतरचा काळ) आणि वृषभ काल (स्थिर लक्ष्मीचा काळ) सर्वात शुभ मानला जातो. आज लक्ष्मीपूजन करण्यासाठी संध्याकाळी 7.41 वाजेपासून ते रात्री 9.41 वाजेपर्यंत सर्वोत्तम शुभ मुहूर्त असणार आहे. तसेच प्रदोष काळ हा संध्याकाळी 6.12 ते 8.40 पर्यंत असणार आहे.
- लक्ष्मीपूजन (शुभ मुहूर्त) सायंकाळी 6:10 ते 8:40
- प्रदोष काळ सूर्यास्तानंतर सुमारे 2 तास 24 मिनिटांचा काळ
- अमावास्या तिथीची सुरुवात 20 ऑक्टोबर 2025, दुपारी 3:44
- अमावास्या तिथीची समाप्ती 21 ऑक्टोबर 2025, सायंकाळी 5:54
- लक्ष्मीपूजनाची तारीख 21 ऑक्टोबर 2025
- यंदा लक्ष्मीपूजनासाठी साधारण 2 तास 24 मिनिटांची वेळ असेल.
लक्ष्मी पूजन साहित्य
१ चौरंग , लाल कापड, हळदी- कुंकू, गंध, सुपारी, लवंग, अगरबत्ती, दिवा, तूप, गंगाजल, पंचामृत, सुट्टी फुले, लक्ष्मी- गणेशाची मूर्ती, लक्ष्मी यंत्र, फळे, कापूर, कापूस, बत्ताशे, चांदीची नाणी, कलश, नारळ, देठाची पाने, पेढे, फराळ, कमळाचे फूल, आंब्याची पाने, , धूप, ताम्हण
