श्रावण महिना भगवान शंकराला समर्पित आहे. या महिन्यात सोमवारी उपवास करून भगवान शंकराची पूजा केल्यास सुख, समृद्धी आणि मनोकामना पूर्ण होतात, अशी मान्यता आहे. श्रावण महिन्यामध्ये शंकराची पूजा करण्यासोबतच मेंहदी लावण्याला देखील विशेष महत्त्व आहे. ही परंपरा केवळ सौंदर्याशी संबंधित नाही तर तिचे धार्मिक महत्त्व देखील आहे. चला जाणून घेऊया महिलांनी श्रावणामध्ये मेहंदी का लावावी?

श्रावण महिन्यात हाताला मेंहदी का लावतात?

श्रावण महिन्यात महिलांनी मेहंदी काढावी याला धार्मिक आणि आरोग्यविषयक दोन्ही दृष्ट्या महत्त्व आहे.

धार्मिक महत्त्व

श्रावण महिना भगवान शंकरांना समर्पित आहे. या महिन्यात महिला उपवास, पूजा आणि इतर धार्मिक विधी करतात. मेहंदी लावणे, या विधींचा एक भाग मानला जातो. मेहंदीचा संबंध निसर्गाशी आहे, आणि श्रावण महिना निसर्गाच्या हिरवळ आणि सौंदर्याचा काळ असतो. त्यामुळे, या महिन्यात मेहंदी लावणे शुभ मानले जाते. काही स्त्रिया मंगळागौरी पूजेच्या वेळी देखील मेहंदी काढतात, कारण यामुळे देवी पार्वती प्रसन्न होते, असे मानले जाते.  मेहंदी लावल्याने महिलांच्या सौंदर्यात भर पडते आणि त्यांच्या वैवाहिक जीवनात प्रेम वाढते, असेही मानले जाते. 

मेहंदी आणि माता पार्वतीचे नाते

पौराणिक कथेनुसार, देवी पार्वती भगवान शंकराला प्रसन्न करण्यासाठी श्रावण महिन्यात कठोर तपश्चर्या करत होती. या काळात तिने आपल्या हातावर मेहंदी लावली होती. तेव्हापासून, श्रावण महिना महिलांसाठी अखंड सौभाग्याचे प्रतीक मानला जातो. त्यामुळे, या महिन्यात मेहंदी लावल्याने देवी पार्वतीचा आशीर्वाद मिळतो. श्रावण महिन्यात मेहंदी लावल्याने देवी पार्वती प्रसन्न होते आणि पतीला दीर्घायुष्य तसेच आनंदी वैवाहिक जीवन लाभते. मेहंदी हे अखंड सौभाग्याचे प्रतीक मानले जाते. त्यामुळे, महिला श्रावण महिन्यात आवर्जून मेहंदी काढतात.