शास्त्रानुसार तुळशीचे विविध महत्त्व आहेत. प्रामुख्याने तुळशीचे दोन प्रकार आहेत. ते म्हणजे राम आणि कृष्ण तुळस, असे तुळशीचे दोन प्रमुख प्रकार आहेत. दोन्हीचा रंग, नैसर्गिक आणि धार्मिक महत्त्व वेगवेगळं आहे, आज आपण यातील फरक जाणून घेणार आहोत…
राम तुळस
राम आणि कृष्ण तुळस ह्या दोन तुळशीच्या वेगवेगळ्या जाती आहेत. राम तुळशीला हिरवी पाने असतात. राम तुळशीची पाने हिरवीगार आणि चवीला गोड असतात. राम तुळस भगवान श्रीरामांना प्रिय आहे, राम तुळस संयम आणि विनम्रतेचे प्रतीक आहे. आणि राम तुळस घरामध्ये सुख-समृद्धीसाठी लावतात. राम तुळस सर्दी, खोकला आणि इतर श्वसनसंबंधी समस्यांवर गुणकारी आहे. राम तुळस धार्मिक कार्यांसाठी आणि पूजेसाठी वापरली जाते.
कृष्ण तुळस
कृष्ण तुळशीला जांभळ्या किंवा गडद रंगाची पाने असतात. धार्मिक दृष्ट्या, राम तुळस भगवान रामांशी संबंधित आहे, तर कृष्ण तुळस भगवान कृष्णाशी संबंधित आहे. कृष्ण तुळस ही श्रीकृष्णाची आवडती आहे. या तुळशीची पानं देखील कृष्णाच्या रंगासारखीच दिसतात. या तुळशीच्या पानांत फारसा गोडवा आढळत नाही.
