शास्त्रांनुसार, अश्विन महिन्यातील कृष्ण पक्षाच्या त्रयोदशी तिथीला धनत्रयोदशीचा पवित्र सण साजरा केला जातो. या वर्षी हा सण 18 ऑक्टोबर रोजी साजरा केला जाईल. या दिवशी भगवान धन्वंतरी, देवी लक्ष्मी आणि कुबेर यांची पूजा केली जाते. या दिवशी खरेदीला विशेष महत्त्व आहे, कारण या दिवशी भगवान धन्वंतरी अमृत कलश घेऊन प्रकट झाले होते. त्यामुळे धनत्रयोदशीला लक्ष्मी आणि कुबेर या दोघांची कृपा मिळवण्यासाठी खरेदी करणे अत्यंत शुभ मानले जाते. या दिवशी काही वस्तूंची खरेदी करणे शुभ मानले जाते तर काही वस्तूची खरेदी करणे अशुभ मानले जाते. धनत्रयोदशी कोणत्या वस्तू खरेदी करु नये, जाणून घ्या…
धनत्रयोदशीला काय खरेदी करणे टाळावे?
लोखंड
लोखंडाच्या वस्तू खरेदी करणे अशुभ मानले जाते. लोखंडाच्या वस्तूवर शनिदेवाचा प्रभाव असल्याचे मानले जाते. जर तुम्ही धनत्रयोदशीला खरेदी करत असाल तर लोखंडी वस्तू खरेदी करणे टाळा. असे म्हटले जाते की, धनत्रयोदशीला लोखंडी वस्तू खरेदी केल्याने भगवान कुबेराचा आशीर्वाद मिळत नाही.
प्लास्टिक आणि काच
प्लास्टिक आणि काचेच्या वस्तू खरेदी करणे टाळावे, कारण त्या दुर्दैवी मानल्या जातात. काचेचा संबंध राहू ग्रहांशी संबंधित असल्याचे म्हटले जाते. त्यामुळे काचेपासून बनवलेल्या वस्तूंची खरेदी करणे अशुभ मानले जाते.
काळे कपडे
काळे कपडे खरेदी करू नयेत, कारण ते दुर्दैवाशी संबंधित आहेत. धनत्रयोदशी आणि दिवाळी हे सण प्रकाश आणि शुभतेचे प्रतीक मानले जातात. या दिवशी काळ्या रंगाची कोणतीही वस्तू खरेदी करणे टाळावे. खासकरुन कपडे, वाहन किंवा सजावटीच्या वस्तू. यामुळे घरात नकारात्मकता वाढू शकते.
तीक्ष्ण वस्तू
चाकू आणि कात्री यांसारख्या तीक्ष्ण वस्तू खरेदी करणे टाळावे, कारण त्या राहू आणि अशुभ शनीशी संबंधित मानल्या जातात. चाकू, पिन आणि सुया यासारख्या तीक्ष्ण वस्तू खरेदी करणे टाळा. धनत्रयोदशीला तीक्ष्ण वस्तू घरी आणणे अशुभ मानले जाते.
चामड्याच्या वस्तू
या दिवशी चामड्याच्या वस्तू खरेदी करणे टाळा. या वस्तू अशुद्ध मानल्या जातात. त्या खरेदी केल्याने घरात गरिबी आणि दुर्दैव येऊ शकते.
(टीप : वरील सर्व बाबी MP मराठी Breaking केवळ माहिती म्हणून वाचक-प्रेक्षकांपर्यंत पोहोचवत आहे. यातून MP मराठी Breaking कोणताही दावा करत नाही.)
