बॉलिवूड आणि टीव्ही जगतात नेहमीच चर्चेत राहणारी राखी सावंत ( Rakhi Sawant) पुन्हा एकदा मथळ्यांमध्ये आली आहे. राखीने अलीकडेच दिलेल्या एका मुलाखतीत सलमान खानबद्दल केलेले वक्तव्य सध्या सोशल मीडियावर व्हायरल होत आहे. राखी सावंत आणि सलमान खान यांच्यातील नातं फारच घट्ट असल्याचं अनेक वेळा दिसून आलं आहे. राखीने पूर्वी अनेक वेळा सांगितलं आहे की सलमान खानने तिच्या आयुष्यात कठीण काळात खूप मदत केली आहे.
सलमान चप्पल फेकून मारेल
राखी सावंत लवकरच आपल्या नव्या म्युझिक व्हिडिओच्या प्रमोशनसाठी ‘बिग बॉस १९’च्या मंचावर दिसणार आहे. या म्युझिक व्हिडिओमध्ये राखीने काही बोल्ड आणि किसिंग सीन दिले आहेत. या संदर्भात जेव्हा तिच्याकडे विचारण्यात आलं की सलमान खान हे सीन पाहिल्यावर काय प्रतिक्रिया देतील, तेव्हा राखीने हसत-हसत सांगितलं की, “सलमान भाई तो चप्पल फेकून मारतील. जर त्यांनी हा गाणा पाहिला तर नक्कीच रागावतील. मला खरंच भीती वाटते की त्यांनी हा व्हिडिओ पाहू नये.”
राखीने पुढे सांगितले की, “सलमान भाई माझ्यासाठी देवासारखे आहेत. त्यांनी माझ्या आयुष्यात अनेक वेळा मदत केली आहे. त्यांच्या मुळेच मी आज इथपर्यंत पोहोचले आहे. पण मला माहित आहे की सलमान भाईंना अशा बोल्ड गोष्टी अजिबात आवडत नाहीत. त्यांना किसिंग सीन किंवा अशा प्रकारचं काहीही पाहायला आवडत नाही. त्यामुळे मी माझ्या गाण्याचे काही सीन कट करण्याची विनंती दिग्दर्शकाला केली आहे.”
200 कोटींची साडी घालणार – Rakhi Sawant
याशिवाय राखी सावंतने उघड केले की ती बिग बॉस १९ मध्ये खास साडीत एन्ट्री करणार आहे. या साडीची किंमत तब्बल २०० कोटी रुपये असल्याचे राखीने सांगितले. तिने म्हटले की, “मी बिग बॉसच्या मंचावर जाण्यासाठी ही साडी खास बनवली आहे. या साडीवर खरे सोन्याचे धागे वापरले आहेत. ही साडी माझ्यासाठी खूप खास आहे कारण मी या गाण्याचा प्रमोशन करताना काहीतरी वेगळं करायचं ठरवलं होतं.”
राखी सावंत नेहमीप्रमाणे या वेळीही आपल्या विनोदी शैलीत आणि बेधडक वक्तव्यांमुळे चर्चेत आली आहे. तिच्या या मुलाखतीनंतर चाहत्यांमध्ये उत्सुकता वाढली आहे की राखी ‘बिग बॉस १९’च्या मंचावर येऊन कोणते नवीन ड्रामा आणि मनोरंजन घेऊन येणार आहे. सलमान खान तिच्या या नव्या गाण्याबद्दल आणि साडीबद्दल काय प्रतिक्रिया देतात, हे पाहणे देखील रंजक ठरणार आहे.
