दिवाळीच्या सणातील एक अत्यंत महत्वाचा दिवस म्हणजे लक्ष्मी-कुबेर पूजन. या दिवशी धन, समृद्धी, सौभाग्य आणि व्यवसायवृद्धी यासाठी देवी लक्ष्मी आणि धनदेव कुबेर यांची विशेष पूजा केली जाते. लक्ष्मी-कुबेर पूजनाला “धनत्रयोदशी” किंवा “लक्ष्मी पूजन” असेही संबोधले जाते. या वर्षी, लक्ष्मी-कुबेर पूजन २०२५ मध्ये मंगळवार, २१ ऑक्टोबर रोजी साजरे केले जाईल. हा दिवस आर्थिक दृष्ट्या अत्यंत शुभ मानला जातो.

लक्ष्मी-कुबेर पूजेचा योग्य विधी, मुहूर्त

लक्ष्मी-कुबेर पूजनासाठी सर्वप्रथम पूजा आणि घर स्वच्छ करून, तोरण लावून आणि रांगोळी काढून शुभ वातावरण तयार करावे. त्यानंतर अक्षतांनी बनवलेल्या अष्टदल कमळावर किंवा स्वस्तिकवर लक्ष्मी आणि कुबेराची मूर्ती स्थापन करावी. पूजेमध्ये गणपती, कलश, दिवा, बेल आणि लक्ष्मी व कुबेर यांच्या प्रतिमांची पूजा करून त्यांना अक्षता, फुले, दुर्वा आणि नैवेद्य अर्पण करावा. पूजा झाल्यावर लक्ष्मी व कुबेर मंत्रांचा जप करावा. लक्ष्मीला प्रिय असलेल्या खव्याचा नैवेद्य दाखवावा.

मंगळवारी 21 ऑक्टोबर 2025 रोजी लक्ष्मीपूजन करावे. तसेच, अमावस्या आणि प्रतिपदा या दोन्ही तिथीच्या योगावर सायंकाळी प्रदोष काळ अर्थात सूर्यास्तानंतर सुमारे 2 तास 24 मिनिटांच्या कालावधीत लक्ष्मीपूजन करावे.

पूजेतील चांदी-सोन्याच्या नाण्याचे महत्व

लक्ष्मी-कुबेर पूजनात सोन्याचे आणि चांदीचे नाणे ठेवणे अत्यंत शुभ मानले जाते. चांदी चंद्राचे प्रतीक आहे आणि ती शांती, प्रसन्नता आणि मानसिक समाधान देते. चांदीचे नाणे घरात सकारात्मक ऊर्जा निर्माण करते. सोनं हे सूर्याचे प्रतीक आहे आणि ते तेज, यश आणि वैभवाचे द्योतक आहे. लक्ष्मीपूजेत सोन्याचे नाणे ठेवणे म्हणजे संपत्ती आणि कीर्ती आमंत्रित करणे. पूजेनंतर ही नाणी तिजोरीत, पर्समध्ये किंवा व्यवसायाच्या ठिकाणी ठेवावी. दरवर्षी नवीन नाण्यांची पूजा करून जुन्या नाण्यांना सुरक्षित ठेवणे शुभ मानले जाते.

टीप : वरील सर्व बाबी MP मराठी Breaking  केवळ माहिती म्हणून वाचक-प्रेक्षकांपर्यंत पोहोचवत आहे. यातून MP मराठी Breaking  कोणताही दावा करत नाही.