Home remedies for split ends: केसांना फाटे फुटणे ही एक सामान्य समस्या आहे जी अनेकांना त्रास देते. यामुळे केस कोरडे आणि निर्जीव दिसतात. केसांचे टोक तुटून दोन भागात विभागले गेल्यावर ही समस्या उद्भवते.
याची अनेक कारणे असू शकतात जसे की स्टाईलिंग, उष्णतेचा जास्त वापर, केसांची योग्य काळजी न घेणे इत्यादी. आम्ही तुम्हाला फाटे फुटण्याच्या समस्येला म्हणजेच स्प्लिट एंड्स दुरुस्त करण्यासाठी काही सोपे घरगुती उपाय सांगत आहोत.
केळी आणि दह्याचा मास्क-
केळी आणि दह्याचा मास्क केसांना खोलवर पोषण देतो. एक पिकलेले केळ मॅश करा आणि त्यात अर्धा कप दही घाला. हे मिश्रण केसांना लावा आणि 30 मिनिटे तसेच राहू द्या. त्यानंतर केस शॅम्पूने धुवा.
मेथीची पेस्ट-
मेथीचे दाणे रात्रभर भिजत ठेवा. सकाळी ते बारीक करून पेस्ट बनवा आणि केसांना लावा. ३० मिनिटे तसेच ठेवा आणि नंतर शाम्पूने धुवा. मेथी केसांना मजबूत आणि निरोगी बनवते.
आवळ्याचा रस-
आवळ्याच्या रसामुळे केसांना ताकद आणि चमक मिळते. ताज्या आवळ्याचा रस केसांना लावा आणि २०-३० मिनिटे तसेच राहू द्या. त्यानंतर, शॅम्पूने केस धुवा.
कोरफड-
कोरफड जेल केसांना मॉइश्चरायझ करते आणि त्यांना मजबूत बनवते. केसांच्या टोकांना ताजे कोरफड जेल लावा आणि २० मिनिटे तसेच राहू द्या. त्यानंतर कोमट पाण्याने केस धुवा. आठवड्यातून २-३ वेळा ते वापरा.
दही आणि मधाचा मास्क-
दही आणि मध मास्क केसांना पोषण आणि मॉइश्चरायझ करतो. अर्धा कप दह्यात एक चमचा मध मिसळा आणि हे मिश्रण केसांना लावा. २०-३० मिनिटे तसेच राहू द्या आणि नंतर शॅम्पूने धुवा. आठवड्यातून एकदा ते वापरा.
ट्रिमिंग-
स्प्लिट्स एंड्सपासून मुक्त होण्याचा सर्वात सोपा आणि प्रभावी मार्ग म्हणजे तुमचे केस नियमितपणे ट्रिम करणे. दर ६-८ आठवड्यांनी थोडेसे केस ट्रिम केल्याने स्प्लिट्स एंड्स दूर होतात आणि केसांची लांबी वाढण्यास देखील मदत होते.
(टीप : वरील सर्व माहिती उपलब्ध स्त्रोतावरून देण्यात आलेली आहे. याच्या तथ्यांबद्दल MP मराठी Breaking कोणताही दावा करीत नाही.)
