पावसाळ्यात आपली त्वचा मऊ होते, परंतु अनेकदा ओठ कोरडे आणि फाटलेले दिसतात. ही समस्या केवळ हिवाळ्यातच दिसून येत नाही, तर पावसाळ्यातही दिसून येते, जेव्हा हवेत जास्त आर्द्रता असते, परंतु त्वचा हायड्रेटेड राहू शकत नाही. जर तुम्हाला वारंवार लिप बाम लावल्यानंतरही ओठ कोरड्या पडण्याच्या समस्येने त्रास होत असेल, तर काही सोपे घरगुती उपाय जे तुमच्या ओठांना आराम देतील…
नारळ तेल आणि तुप
पावसाळ्यात तुमचे ओठ कोरडे पडत असतील, तर नारळ तेल आणि तुपाने ओठांची मालिश करणे हा एक चांगला उपाय आहे. या दोन्ही गोष्टी नैसर्गिकरित्या ओठांना मॉइश्चरायझ करतात आणि कोरडेपणा कमी करण्यास मदत करतात. ओठांवर नारळ तेल हलक्या हाताने चोळा आणि रात्रभर तसेच ठेवा. सकाळी कोमट पाण्याने धुवा. रात्री झोपण्यापूर्वी ओठांवर तूप चोळा आणि सकाळी धुवा. सकाळी उठल्यावर तुमचे ओठ मऊ वाटतील. कोरड्या ओठांवर हा उपाय नैसर्गिक उपचार म्हणून काम करतो.
मध आणि गुलाबाच्या पाकळ्या
पावसाळ्यात तुमचे ओठ कोरडे पडत असतील, तर मध आणि गुलाबाच्या पाकळ्या वापरून तुम्ही मॉइश्चरायझिंग लिप पॅक घरीच बनवू शकता. गुलाबाच्या पाकळ्या स्वच्छ धुवून घ्या. मिक्सरमध्ये मध आणि पाकळ्या एकत्र करून बारीक वाटून घ्या. तयार मिश्रण ओठांवर लावा आणि 15-20 मिनिटे तसेच ठेवा. नंतर ओठ कोमट पाण्याने धुवा. जर ओठ जास्तच कोरडे असतील, तर हा पॅक तुम्ही रोज वापरू शकता. हा पॅक ओठांना मॉइश्चरायझेशन देतो आणि ओठांना मुलायम बनवतो. मध एक नैसर्गिक मॉइश्चरायझर आहे आणि गुलाबाच्या पाकळ्या ओठांना थंडावा देतात. यामुळे ओठ कोरडे आणि फाटलेले होण्याची शक्यता कमी होते.
ओठांची काळजी घेण्यासाठी या टिप्स फॉलो करा!
- ओठांना चावल्याने किंवा ओठांची साल काढल्याने ते कोरडे आणि भेगाळलेले होऊ शकतात.
- पुरेसे पाणी प्या आणि ओठांना मॉइश्चरायझ करण्यासाठी लिप बाम वापरा.
- भरपूर फळे आणि भाज्या खा यामुळे ओठांना आवश्यक पोषण मिळेल.
- ओठांवर मध, खोबरेल तेल किंवा तूप लावा.
(टीप : वरील सर्व माहिती उपलब्ध स्त्रोतावरून देण्यात आलेली आहे. याच्या तथ्यांबद्दल MP मराठी Breaking कोणताही दावा करीत नाही.)
