Nikhil Kamat Monthly Income : झेरोधाचे सह-संस्थापक निखिल कामत यांनी टेस्ला आणि स्पेसएक्सचे सीईओ एलोन मस्क यांची नुकतीच एक जबरदस्त मुलाखत घेतली. या मुलाखतीचे व्हिडिओ सुद्धा सोशल मीडियावर वाऱ्यासारखे पसरले. निखिल कामत यांचे एलोन मस्क यांनी भरभरून कौतुक केलं आणि अशा भारतीयांमुळे अमेरिकेला मोठा फायदा झाल्याचही मान्य केलं. एलोन मस्क यांचा पॉडकास्ट घेतल्यानंतर संपूर्ण जगात निखिल कामत या नावाची चर्चा सुरू झाली आणि गुगलवर निखिल कामत नेमके आहेत तरी कोण?? याचे सर्च ट्रेडिंगला आले.
किती आहे निखिल कामत यांची कमाई (Nikhil Kamat Monthly Income)
झेरोधाचे सह-संस्थापक निखिल कामत हे त्यांच्या कंपनीच्या पगारातून आणि इतर गुंतवणुकीतून मासिक उत्पन्न मिळवतात. त्यांचे उत्पन्न खूप आहे. विविध अहवालांनुसार, २०२२-२३ (आर्थिक वर्ष २३) मध्ये निखिल कामत यांचे वार्षिक पगार पॅकेज ₹७२ कोटी होते. या वार्षिक पगाराच्या आधारे, त्यांचा दर महिन्याचा पगार अंदाजे ६ कोटी रुपये इतका आहे. Nikhil Kamat Monthly Income
एकूण मासिक उत्पन्न
निखिल कामत हे देशातील सर्वात तरुण अब्जाधीशांपैकी एक आहेत आणि त्यांची एकूण संपत्ती अब्जावधींमध्ये आहे. त्यांचा खरा मासिक पगार त्यांच्या पगारापेक्षा खूपच जास्त आहे, जो प्रामुख्याने त्यांच्या व्यवसाय आणि गुंतवणुकीवर आधारित आहे. काही अहवालांनुसार, त्यांचे एकूण मासिक उत्पन्न (गुंतवणुकीतून मिळणारे पगार आणि नफा यासह) सुमारे ₹१०० ते ₹१५० कोटी असण्याचा अंदाज आहे.
उत्पन्नाचे अनेक स्रोत
त्यांचा सर्वात मोठा व्यवसाय झेरोधा आहे, जो ट्रेडिंग व्हॉल्यूम आणि ब्रोकरेजमधून भरीव महसूल मिळवतो. ट्रू बीकन ही त्यांची उच्च-निव्वळ-वर्थ व्यक्तींसाठी (HNIs) मालमत्ता व्यवस्थापन कंपनी आहे. त्यांचा रिअल इस्टेट आणि प्रॉप-टेक व्यवसाय, गृहास, देखील यात सामील आहे. ते अनेक स्टार्टअप्समध्ये गुंतवणूक करतात आणि चांगले रिटर्न देतात.
