तुम्ही भात आणि गहू शेती अनेकदा पाहिली असेल, पण चीनमध्ये एक प्रकारची शेती आहे ज्याबद्दल ऐकून तुम्हाला आश्चर्य वाटेल. खरंतर, चीनमध्ये मगरींची शेती मोठ्या प्रमाणात केली जाते. हे सामान्य काम नाही तर अब्जावधी डॉलर्सचा व्यवसाय आहे. चिनी शेतात मगरींचे पालनपोषण त्यांच्या मांस आणि कातडीसाठी केले जाते.
मगरींची शेती कशी केली जाते?
मगरी पालनाच्या व्यवसायात मगरमच्छाची अंडी अत्यंत महत्त्वाची भूमिका बजावतात. यासाठी फार्मवर विशेष वाळूची घरटी तयार केली जातात, जिथे अंडी ठेवली जातात. नंतर ही अंडी हॅचरीमध्ये हलवली जातात, जिथे तापमान २९ ते ३४ अंश सेल्सियस आणि आर्द्रता नियंत्रित ठेवली जाते.
सुमारे ६५ ते ९० दिवसांमध्ये अंडी फुटतात आणि लहान मगरमच्छ बाहेर येतात. या लहान मगरमच्छांना रिअरिंग टँकमध्ये ठेवले जाते, जिथे स्वच्छ पाणी आणि भरपूर जागा दिली जाते. हळूहळू हे मोठे होत जातात आणि त्यानंतर त्यांना पुढील प्रजननासाठी विकले जाते किंवा प्रोसेसिंग युनिटमध्ये पाठवले जाते.
मगरीचे मांस आणि कातडी कुठे जाते?
चीनमधील महागड्या रेस्टॉरंट्समध्ये मगरीच्या मांसाला खूप मागणी असते. असं मानलं जातं की हे मांस लो-फॅट, मऊ (टेंडर) आणि पोषक तत्वांनी भरलेलं असतं. हे मांस शेपूट, पाठ आणि पायांच्या भागांमध्ये कापून विकलं जातं.
तसंच मगरीची कातडी ही फॅशन इंडस्ट्रीचं एक प्रतीक मानली जाते. यापासून लक्झरी बॅग्स, बूट आणि बेल्ट तयार केले जातात. म्हणूनच, मगरमच्छ पालनाचा व्यवसाय दरवर्षी सुमारे ९ अब्ज डॉलर्सचा होतो.
मात्र, जरी मगरीची शेती केली जात असली तरी या उद्योगावर वादही निर्माण झाले आहेत.
प्राणी संरक्षण संस्थांचं म्हणणं आहे की फक्त कातडीसाठी मगरींना मारणं अमानवीय आणि अनावश्यक आहे. त्यांचं असंही मत आहे की यामुळे मगरीच्या प्रजातींच्या संरक्षणाला धोका निर्माण होतो.
