राज्य महिला आयोगाच्या अध्यक्षा रूपाली चाकणकरांच्या अडचणी आता वाढण्याची शक्यता आहे. राज्याच्या महिला आयोगाच्या अध्यक्षा रुपाली चाकणकर यांनी प्रांजल खेवलकर प्रकरणात पत्रकार परिषद घेऊन गंभीर आरोप केले होते. त्यामध्ये, आयोगाकडे प्राप्त अहवालानुसार प्रांजल खेवलकर यांच्या मोबाईलमध्ये अश्लील व्हिडिओ आणि फोटो असल्याचे सांगत मानवी तस्करीची माहितीयांन दिली. मात्र, चाकणकर यांना ही माहिती दिल्याने त्यांच्यावरच डाव उलटण्याची शक्यता आहे.

‘राईट टू प्रायव्हसीचे उल्लंघन…’

रोहित पवार नेमके काय म्हटले?

“महिलांचे मूळ मुद्दे बाजूला ठेवून नेहमी राजकीय भूमिका घेण्याची ख्याती मिळवलेल्या राज्य महिला आयोगाने अजून एक नवीन प्रताप केला आहे. कोथरूडमधील ज्या मुलींवर पोलिसांनी अश्लील व जातीवाचक शेरेबाजी केली त्यांच्या घरात चुकीच्या पद्धतीने घुसून बेकायदेशीर झाडाझडती घेतली. त्या मुलींची ओळख व नाव हे आजवर सर्वांनीच गोपनीय ठेवलं होतं मात्र झोपेतून जागे झालेल्या महिला आयोगाने केलेल्या ट्विटमध्ये सदर मुलीचे नाव टाकले आहे. BNS S72 नुसार हा गंभीर गुन्हा आहे.” असे मत आमदार रोहित पवारांनी मांडले आहे.

महिलांचे मूळ मुद्दे बाजूला ठेवून नेहमी राजकीय भूमिका घेण्याची ख्याती मिळवलेल्या राज्य महिला आयोगाने अजून एक नवीन प्रताप केला आहे. कोथरूडमधील ज्या मुलींवर पोलिसांनी अश्लील व जातीवाचक शेरेबाजी केली त्यांच्या घरात चुकीच्या पद्धतीने घुसून बेकायदेशीर झाडाझडती घेतली. त्या मुलींची ओळख व… pic.twitter.com/yypXUA3c4P

— Rohit Pawar (@RRPSpeaks) August 8, 2025

चाकणकरांचे खेवलकरांवर गंभीर आरोप 

रूपाली चाकणकर यांनी पत्रकार परिषदेमध्ये म्हटले की, काही गोष्टी मी बोलू शकत नाही, मला संकोच वाटतो बोलताना तपास देखील सुरू आहे. प्रांजल खेवलकर याच्या मोबाईलमध्ये मुलींच्या चॅटचे काही स्क्रीनशॉर्ट आहेत जे धक्कादायक आहेत. मुलींचे नग्न फोटो व्हिडीओ यासोबतच काही व्हिडीओंमध्ये खेवलकर हा स्वत: दिसतोय. मुलींना नशा करायला लावून त्यांच्यावर अत्याचार करण्यात आली. त्यामुळे चाकणकरांनी केलेल्या या आरोपांमुळे एकच खळबळ उडाली होती.