तेलंगणामधून एक धक्कादायक घटना समोर आली आहे. संगारेड्डी जिल्ह्यातील एका मंदिरातील पुजारी मंदिराच्या परिसरात झेंडूच्या झाडांसोबत गांजा फिकवून विकत असल्याचे आढळून आले. डीटीएफ संगारेड्डी पथकाने नारायणखेडमधील पुजाऱ्याला अटक केली आणि ७० लाख रुपयांचा गांजा जप्त केला.
तेलंगणातील संगारेड्डी जिल्ह्यातील नारायणखेड मंडळातील पंचगम गावात आध्यात्मिक गुरू असल्याचा दावा करणाऱ्या एका मंदिराच्या पुजाऱ्याला गांजा पिकवल्या आणि विकल्याच्या आरोपाखाली अटक करण्यात आली आहे.
गांजाच्या रोपांची बेकायदेशीर लागवड
आश्चर्यकारक म्हणजे, मंदिर परिसरातील झेंडूच्या बागेत फुलांच्या लागवडीच्या नावाखाली गांजाची रोपे लावली जात होती. शुक्रवारी, डीटीएफ संगारेड्डीच्या पथकाने डीसी मेडक आणि डीपीईओ संगारेड्डी यांच्या देखरेखीखाली गांजाच्या रोपांची बेकायदेशीर लागवड शोधून काढली.
डीटीएफ उत्पादन शुल्क पथकाने छापा टाकला आणि संगारेड्डी जिल्ह्यातील नारायणखेड मंडळातील पंचगाव गावातील अवुती नागैया (४८) या आरोपीला अटक केली. तो मंदिरात पुजारी आणि आध्यात्मिक गुरू म्हणून काम करत होता. त्याच्यावर बेकायदेशीर गांजाची लागवड आणि वितरणाचे काम चालवल्याचा आरोप आहे. तो गांजाचे बेकायदेशीरपणे पॅकेजिंग आणि विक्री देखील करत होता.
छाप्यादरम्यान खालील वस्तू जप्त करण्यात आल्या:
- ६८५ गांज्याची झाडे
- १७.७४१ किलो सुकलेले गांजा
- ०.८९७ किलो गांज्याचे बीज
- ३०,००० रुपये रोख
- एक डिजिटल वजन मशीन
- एक मोबाइल फोन
या सर्व वस्तूंची एकूण किंमत सुमारे ७० लाख रुपये आहे.
