Bigg Boss Marathi 6 मध्ये वातावरण तापायला सुरुवात झाली आहे आणि स्पर्धकांमधील तणाव आता स्पष्टपणे दिसू लागला आहे. आतापर्यंत शांत आणि संयमी वाटणाऱ्या घरात नुकतीच झालेली एका टिप्पणीची ठिणगी आता मोठ्या वादाचा रूप घेण्याच्या मार्गावर आहे. या वेळी चर्चेत आहेत दोन दमदार महिला स्पर्धक—दीपाली सय्यद आणि लोकप्रिय लावणी नर्तकी राधा पाटील.

नेमकं काय घडलं?Bigg Boss Marathi 6

घडलेलं असं की, ‘बिग बॉस’ने शेअर केलेल्या प्रोमोमध्ये सर्व स्पर्धक डायनिंग टेबलवर बसलेले असताना दीपाली सय्यद लावणीविषयी बोलताना अचानक राधा पाटीलला उद्देशून काही टिप्पणी करते. “लावणी म्हणजे महाराष्ट्राची शान म्हणतात आणि तुम्ही चिट करताय,” असं म्हणत दीपालीने केलेल्या वक्तव्याने घरातील वातावरणच बदलतं. या चर्चेत पुढे ती “बार डान्सर” असा उल्लेख करते आणि हे ऐकताच राधा स्पष्टपणे व्यथित झालेली दिसते.

आपल्या कलेचा अपमान झाल्याची भावना झालेल्या राधा पाटीलने बाजूला जात आपल्या एका सहस्पर्धकाला हळू आवाजात सांगितलेले शब्द आता चर्चेचा विषय ठरले आहेत—“दीपाली ताई लावणीवरून जे मला बोलतायत ना… मी पण लायकी काढू शकते.” तिच्या डोळ्यांत आलेले अश्रू आणि चेहऱ्यावर उमटलेला त्रास स्पष्ट दाखवत होता की ही टिप्पणी तिला किती खोलवर लागली आहे.

कोण आहे राधा पाटील

राधा पाटील ही महाराष्ट्रभर लोकप्रिय आणि ऊर्जावान नृत्यांगना आहे. तिच्या कार्यक्रमांना नेहमीच मोठी गर्दी उसळते. तिच्या नृत्यकौशल्यामुळे लाखो चाहत्यांनी तिला प्रेम दिलं आहे. अशावेळी “बार डान्सर” असा उल्लेख तिच्यासाठी अपमानास्पद असल्याने ती दुखावणं स्वाभाविकच आहे. तिच्या म्हणण्यानुसार, “ती (दीपाली) देखील नाच करत होती… पण नृत्यात थोडंसं नाव असल्यामुळे कदाचित आज असं बोलत असेल.”Bigg Boss Marathi 6

आता या तणावपूर्ण वातावरणानंतर घरात पुढे काय घडतं, दोघींच्यातील वाद शांत होतो की अधिक पेट घेतो, हे पाहणं प्रेक्षकांसाठी नक्कीच उत्सुकतेचं ठरेल. ‘बिग बॉस मराठी ६’मध्ये पुढचे भाग नेमकी कोणती दिशा घेतात, हे पाहणं आगामी दिवसांत रंजक असणार आहे.

‘बिग बॉस मराठी’ सिझन सहा जिओहॉटस्टार आणि कलर्स मराठीवर दररोज रात्री ८ वाजता प्रसारित होत आहे.