Dhurandhar 2 Movie Teaser : बॉलिवूडमध्ये चर्चेत असलेली रणवीर सिंह आणि आदित्य घर यांची बहुप्रतिक्षित फिल्म ‘धुरंधर 2’ पुन्हा एकदा रसिकांच्या उत्सुकतेला नव्या उंचीवर घेऊन गेली आहे. चित्रपटाचा पहिला पोस्टर नुकताच प्रदर्शित झाला असून, रिलीजपूर्व वातावरण भरभरून तापायला सुरुवात झाली आहे. पोस्टरसोबतच निर्मात्यांनी एक महत्त्वाची घोषणा केली आहे—‘धुरंधर 2’ ही केवळ हिंदीतच नव्हे, तर देशातील अनेक प्रमुख भाषांमध्ये एकाच दिवशी प्रदर्शित होणार आहे.

कसा आहे रणवीर सिंग चा लुक

नवीन पोस्टरमध्ये रणवीर सिंहचा उग्र, तीक्ष्ण आणि दमदार लुक पाहून चाहत्यांमध्ये खळबळ उडाली आहे. सोशल मीडियावर अनेकांनी त्याच्या स्क्रीन प्रेझेन्सचे कौतुक केले असून, कमेंट सेक्शनमध्ये उत्साहाची लाट उसळलेली आहे. अभिनेत्री शिल्पा शेट्टी आणि भूमि पेडणेकरपासून अनेक सेलिब्रिटींनी पोस्टरवर प्रतिक्रिया दिल्या आहेत. ‘कधी येणार टीझर?’ याबाबतही चाहत्यांमध्ये उत्सुकता वाढलेली आहे.

कधी रिलीज होणार Dhurandhar 2 Movie Teaser

‘धुरंधर’च्या पहिल्या भागातच दुसऱ्या भागाची रिलीज तारीख जाहीर करण्यात आली होती. तीच तारीख आता नव्या पोस्टरद्वारे पुन्हा एकदा अधिकृत करण्यात आली आहे. ‘धुरंधर 2’ हा चित्रपट 19 मार्च 2026 रोजी देशभरातील सिनेमागृहांत प्रदर्शित होणार आहे. हिंदीसह तमिळ, तेलुगु, कन्नड आणि मल्याळम अशा पाच भाषांमध्ये हा मोठ्या प्रमाणावर रिलीज केला जाणार असून, दक्षिणेकडील बाजारपेठेवरही निर्मात्यांचे स्पष्ट लक्ष्य आहे.

या चित्रपटाला बॉक्स ऑफिसवर मोठे आव्हानही सामोरे आहे. त्याच दिवशी कन्नड सुपरस्टार यश यांचा ‘टॉक्सिक’ हा बहुचर्चित चित्रपटही प्रदर्शित होणार आहे. दोन्ही बिग-बजेट चित्रपटांमुळे 19 मार्चची तारीख बॉक्स ऑफिससाठी सुपरक्लॅश ठरणार असल्याची चर्चा रंगली आहे.

चाहत्यांसाठी मात्र पोस्टर रिलीजच्या निमित्ताने एकच भावना स्पष्ट दिसते—‘धुरंधर 2’ चा टीझर आणि ट्रेलर पाहण्याची प्रतीक्षा आता आणखी कठीण झाली आहे.