Girija Oak On Emraan Hashmi : मराठी अभिनेत्री गिरीजा ओक आजच्या घडीला देशभरातील प्रेक्षकांच्या मनावर राज्य करणारे नाव. एका साडीतील साध्या, सोज्वळ लूकनं रातोरात ‘नॅशनल क्रश’ ठरलेल्या गिरीजाबद्दल अनेक चर्चा रंगत आहेत. पण तिच्या सौंदर्याचं कौतुक केवळ फॅन्सनीच केलं असं नाही; एकेकाळी बॉलिवूडचा लोकप्रिय स्टार इमरान हाश्मी देखील तिच्याकडे पाहत थांबला होता, हे ऐकून अनेकांना विश्वास बसणार नाही! ही घटना आता दिग्दर्शिका आणि निर्माती **कांचन अधिकारी** यांनी सांगितलेल्या जुन्या आठवणीमुळे पुन्हा चर्चेत आली आहे.

दुबईहून परतीच्या विमानात घडला किस्सा (Girija Oak On Emraan Hashmi)

२००४ मध्ये गिरीजा ओक आणि स्वप्नील जोशीचा *‘मानिनी’* चित्रपट प्रदर्शित झाला. या सिनेमाचं काही चित्रीकरण दुबईमध्ये झालं होतं. शूट संपवून कलाकारांची टीम भारतात परतत होती. त्याच विमानात इमरान हाश्मीही आपल्या *‘मर्डर’* चित्रपटाच्या शूटिंगवरून परतत होता. गिरीजा तेव्हा कॉलेजमध्ये होती —लांबसडक केस, चमकदार त्वचा, अतिशय निरागस व्यक्तिमत्त्व. विमानात इमरान हाश्मी सतत तिच्याकडे बघत होता. माझ्या असिस्टंटनं मला थेट येऊन सांगितलं, ‘मॅडम, इमरान हाश्मी गिरीजाकडे नजर हटवत नाही!’ त्या वेळीच आम्हाला जाणवलं की तिच्या सौंदर्याचं जादू वेगळंच आहे. Girija Oak On Emraan Hashmi

नॅशनल क्रश’ होणं तीच्या नियतीत होतं

आज गिरीजा सोशल मीडियावर व्हायरल होताच अनेकांनी तिचं कौतुक केलं, पण काहींनी टीकाही केली. यावर कांचन अधिकारी स्पष्टपणे म्हणतात, “लोक तिच्या खऱ्या प्रवासाची किंमत करत नाहीत. गिरीजानं कधीही शॉर्टकट घेतला नाही, अंगप्रदर्शनावर प्रसिद्धी मिळवलेली नाही. तिनं केलेलं *‘गौहर जान’* नाटक पहा—अप्रतिम काम आहे तिचं. आपल्या मराठी मुलीने देशभरात चमक मिळवली, याचा अभिमान बाळगायला हवा.”

गिरीजाची लोकप्रियता म्हणजे मेहनतीचं फळ

गिरीजा ओक ही फक्त सुंदर चेहरा नाही, तर सातत्याने काम करणारी, निखळ अभिनयाची ताकद असलेली अभिनेत्री आहे. त्यामुळे आज तिचं नॅशनल क्रश होणं हे योगायोग नसून तिच्या मेहनतीचं आणि नैसर्गिक सौंदर्याचं प्रत्यंतर आहे.