बॉलिवूडमधील गुणी अभिनेत्री हुमा कुरेशी सध्या तिच्या वैयक्तिक आयुष्यामुळे चर्चेत आली आहे. तिच्या अलीकडील “बयान” या चित्रपटाने Toronto International Film Festival 2025 मध्ये मोठी छाप पाडली असतानाच, आता ती तिच्या प्रेमप्रकरणामुळे चर्चेत आहे. सूत्रांच्या माहितीनुसार, हुमा कुरेशीने तिच्या दीर्घकाळच्या प्रियकरासोबत  प्रसिद्ध अ‍ॅक्टिंग कोच रचित सिंह (Huma Qureshi Rachit Singh) गुपचुप साखरपुडा केला आहे. ही खासगी समारंभात पार पडलेली गोष्ट असून, फारच मोजक्या नातेवाईक आणि जवळच्या मित्रांची उपस्थिती होती, अशी माहिती समोर येते आहे.

रचित सिंह कोण आहे? Huma Qureshi Rachit Singh

रचित सिंह हे बॉलिवूडमधील एक नावाजलेले अ‍ॅक्टिंग कोच आहेत. त्यांनी अनेक प्रसिद्ध कलाकारांना अभिनयाचे धडे दिले आहेत. हुमा आणि रचित यांचे नाते गेल्या काही वर्षांपासून चर्चेत होते, परंतु दोघांनीही यावर कधीही उघडपणे प्रतिक्रिया दिली नव्हती.

“बयान” ने TIFF मध्ये लावली छाप

हुमा कुरेशीचा ‘बयान’ हा चित्रपट TIFF 2025 मध्ये दाखवण्यात आला आणि त्याला प्रेक्षकांचा आणि समीक्षकांचा उत्तम प्रतिसाद मिळाला. या चित्रपटात हुमा केवळ अभिनेत्रीच नव्हे, तर एक कार्यकारी निर्माती म्हणूनही झळकली. तिच्या अभिनयासोबतच तिच्या निर्मिती कौशल्याचेही कौतुक करण्यात आले. Huma Qureshi Rachit Singh

https://www.instagram.com/p/DOXf6uTkpPA/?igsh=MWw3c3N0M3ZoZWVmZg==

साखरपुडा अद्याप ‘ऑफिशियल’ नाही

सध्या तरी हुमा किंवा रचितने याबाबत कोणतीही अधिकृत घोषणा केलेली नाही. मात्र दोघांचे सोशल मिडिया हॅंडल्स आणि त्यातील ‘हिन्ट्स’ चाहत्यांच्या लक्षात आले आहेत. त्यामुळे दोघेही लवकरच आपल्या नात्याची अधिकृत घोषणा करतील, अशी आशा चाहत्यांना वाटते. हुमा कुरेशीने तिच्या कारकिर्दीप्रमाणेच तिचे प्रेमप्रकरणही अत्यंत संयमी आणि प्रतिष्ठेने हाताळले आहे. तिचा साखरपुडा झाला असल्यास, हा तिच्या जीवनातील मोठा टप्पा असेल. तिच्या चाहत्यांसाठी ही आनंदाची बातमी असून, लवकरच दोघांकडून अधिकृत घोषणा होण्याची शक्यता आहे.