Tere Ishk Mein : 2025 मध्ये प्रदर्शित झालेल्या रोमँटिक ड्रामा चित्रपटांमध्ये धनुष आणि कृति सेनन अभिनीत ‘तेरे इश्क में’ने स्वतःची वेगळी ओळख निर्माण केली होती. थिएटरमध्ये या चित्रपटाला मिळालेला प्रतिसाद पाहता तो वर्षातील सर्वाधिक चर्चित आणि आवडता प्रेमपट ठरला. अनेकांनी या चित्रपटातील कथानक, संगीत, सिनेमॅटोग्राफी आणि दोन्ही प्रमुख कलाकारांच्या प्रभावी स्क्रीन केमिस्ट्रीचे कौतुक केले. ज्यांनी थिएटरमध्ये हा चित्रपट पाहण्याची संधी गमावली होती, त्यांच्याासाठी आता मोठी आनंदाची बातमी समोर आली आहे. कारण ‘तेरे इश्क में’ लवकरच ओटीटीवर प्रदर्शित होणार आहे आणि विस्तृत प्रेक्षकवर्गापर्यंत पोहोचणार आहे.

OTT वर‘तेरे इश्क में’ कधी उपलब्ध होणार?

मागील वर्षात ‘सैयारा’, ‘एक दीवाने की दीवानियत’ आणि ‘तेरे इश्क में’ यांसारख्या अनेक प्रेमकथांनी बॉक्स ऑफिसवर उत्कृष्ट कामगिरी केली. या चित्रपटांमध्ये ‘तेरे इश्क में’ने त्याच्या भावनात्मक कथानकामुळे आणि वास्तवदर्शी अभिनयामुळे विशेष स्थान मिळवले. चित्रपटगृहातील यशानंतर आता निर्मात्यांनी हा चित्रपट डिजिटल प्लॅटफॉर्मवर प्रदर्शित करण्याचा निर्णय घेतला आहे. ‘तेरे इश्क में’ 23 जानेवारी 2026 पासून नेटफ्लिक्सवर उपलब्ध होईल. त्यामुळे देश-विदेशातील प्रेक्षकांना आपल्या घरच्या टीव्ही किंवा मोबाइल स्क्रीनवरून या सुंदर प्रेमकथेचा अनुभव घेता येणार आहे.

बॉक्स ऑफिसवर केलेला प्रभाव (Tere Ishk Mein)

आनंद एल राय यांच्या दिग्दर्शनाखाली तयार झालेला ‘तेरे इश्क में’ 28 नोव्हेंबर 2025 रोजी संपूर्ण देशभरातील सिनेमागृहांमध्ये प्रदर्शित झाला होता. थिएटर रिलीजच्या पहिल्या आठवड्यापासूनच चित्रपटाने उत्तम कमाई सुरू ठेवली. सेकिनिल्कने जाहीर केलेल्या आकडेवारीनुसार, भारतात चित्रपटाने 116.71 कोटी रुपयांची नेट कमाई केली, तर जागतिक स्तरावर या चित्रपटाचे एकूण कलेक्शन 161.96 कोटी रुपयांवर पोहोचले. एका रोमँटिक ड्रामासाठी एवढी मोठी कमाई होणे विशेष मानले जाते. यामुळे या चित्रपटाची लोकप्रियता आणि प्रेक्षकांचा प्रतिसाद किती प्रचंड होता, हे स्पष्ट होते.

कथानक कशाबद्दल आहे?

‘तेरे इश्क में’ची कथा शंकर या तापट पण प्रामाणिक आणि जनतेसाठी लढणाऱ्या युवा विद्यार्थी नेत्याभोवती फिरते. त्याची भेट एका महत्त्वाकांक्षी मानसशास्त्राच्या विद्यार्थिनीशी, म्हणजे मुक्तीशी होते. मुक्ति आपला थिसिस पूर्ण करण्यासाठी शंकरच्या मेल एंगर कंट्रोलच्या समस्येचा अभ्यास करण्याचे ठरवते. अभ्यासाच्या या प्रक्रियेत दोघे जास्त वेळ एकत्र घालवतात आणि हळूहळू शंकर मुक्तीकडे आकर्षित होतो. मात्र मुक्ति त्याच्याबद्दल तितक्याच भावना बाळगते, असे नसते. ती शंकरचा उपयोग करून घेते आणि त्याच्या भावनांकडे दुर्लक्ष करते.

कथेतील हा भावनिक संघर्षच चित्रपटाचा गाभा आहे. नात्यांतील गुंतागुंत, विश्वासघात, राग, प्रेम आणि वेदना यांचा उत्तम समन्वय यात पाहायला मिळतो. पुढे शंकर इंडियन एअरफोर्समध्ये दाखल होतो आणि नवे आयुष्य सुरू करण्याचा प्रयत्न करतो. परंतु त्याच्या भूतकाळातील काही घटना पुन्हा त्याच्यासमोर येतात आणि कथा एका नव्या टप्प्यावर प्रवेश करते. प्रेक्षकांना शेवटपर्यंत खिळवून ठेवणारे हे कथानक चित्रपटाचे मुख्य आकर्षण ठरते. Tere Ishk Mein

दमदार कलाकार आणि त्यांची भूमिका

चित्रपटात धनुषने फ्लाइट लेफ्टिनेंट शंकर गुरुक्कलची भूमिका साकारत त्याच्या व्यक्तिरेखेला असलेली तीव्रता आणि भावनात्मक बाजू प्रभावीपणे दाखवली आहे. कृति सेननने साकारलेली मुक्ति बेनीवाल ही व्यक्तिरेखा जिद्दी, बुद्धिमान आणि थोडी गुंतागुंतीची आहे. या भूमिकेत कृतिने केलेला अभिनय प्रेक्षकांनी विशेष पसंत केला. प्रकाश राज यांनी राघव गुरुक्कलच्या रूपात शंकरच्या आयुष्यातील एक महत्त्वाचा व्यक्ती साकारला आहे. टोटा रॉय चौधरी, प्रियांशु पेन्युली आणि परमवीर सिंह चीमा यांनीही त्यांच्या भूमिकांना न्याय दिला आहे आणि कथेला अधिक समृद्ध केले आहे.