Calcium-rich foods:  बहुतांश लोकांना दूध आवडत नाही. किंवा काहींना दूध किंवा दुग्धजन्य पदार्थांची अ‍ॅलर्जी असते. मग अशात तुमच्या शरीराची कॅल्शियमची गरज पूर्ण करण्यासाठी कोणते नॉन-डेअरी पदार्थ मदत करू शकतात, हे जाणून घेणे महत्त्वाचे आहे. दुधाच्या अ‍ॅलर्जीला लैक्टोज इंटॉलरन्स म्हणतात. ज्यामध्ये शरीर दुधातील साखरेचे लैक्टोज पचवू शकत नाही. परंतु याचा अर्थ असा नाही की तुम्हाला कॅल्शियम मिळणारच नाही.

कॅल्शियम हाडांच्या बळकटीसाठी आणि स्नायूंच्या योग्य कार्यासाठी आवश्यक खनिज आहे. काही भाज्या, ड्रायफ्रूट्स, बिया आणि फळे अशी आहेत जी दुधाप्रमाणेच किंवा त्यापेक्षा जास्त प्रमाणात कॅल्शिअम वाढवतात. आज आपण याबाबतच जाणून घेणार आहोत…..

किवी –
किवीमध्ये ६० मिलीग्राम कॅल्शियम असते. तुम्ही ते संपूर्ण खाऊ शकता किंवा त्याचा रस पिऊ शकता. जर तुम्हाला कॅल्शियमची गरज असेल आणि तुम्हाला दुग्धजन्य पदार्थांची अ‍ॅलर्जी असेल तर तुम्हाला हे गोड आणि आंबट फळ आवडेल. किवी खाल्ल्याने प्लेटलेट्स देखील वाढतात.

अंजीर-
अंजीर हे दुधाला चांगला पर्याय आहेत. ते खाल्ल्याने अशक्तपणा दूर होतो आणि हाडे मजबूत होतात. त्यात सोडियम देखील असते, जे ताण कमी करण्यास मदत करते. डोकेदुखी असल्यास तुम्ही अंजीर देखील खाऊ शकता. कॅल्शियमची कमतरता दूर करण्यासाठी अंजीर खायचे असल्यास ते रात्रभर पाण्यात भिजवा. सकाळी ते खा आणि पाणी प्या.

हिरव्या पालेभाज्या-
तुम्ही दररोज सकाळी एक वाटी हिरव्या पालेभाज्या खाल्ल्या तर तुम्हाला १०० मिलीग्राम कॅल्शियम मिळेल. या ऋतूत कोबी, मुळा आणि मेथी यासारख्या हिरव्या भाज्या उपलब्ध असतात. त्या खाऊन तुम्ही कॅल्शियमची कमतरता दूर करू शकता. जर मुले हिरव्या भाज्या खात नसतील तर तुम्ही त्यांना भरपूर भाज्या घालून घरगुती सँडविच किंवा बर्गर देऊ शकता.

बदाम-
बदाममध्ये कॅल्शियम देखील भरपूर असते. बदाम खाल्ल्याने रक्तदाब नियंत्रित राहतो आणि शरीराला हेल्दी फॅट्स देखील मिळते. रात्री १० बदाम भिजवा. बदाम सोलून सकाळी खा. कॅल्शियमसोबतच बदामांमध्ये फायबर, मॅग्नेशियम आणि व्हिटॅमिन ई सारखे पोषक घटक देखील असतात.

(टीप : वरील सर्व माहिती उपलब्ध स्त्रोतावरून देण्यात आलेली आहे. याच्या तथ्यांबद्दल MP मराठी Breaking कोणताही दावा करीत नाही.)