मुकेश अंबानींची कंपनी रिलायन्स इंडस्ट्रीज (Reliance Industries) गुजरातमध्ये मोठ्या गुंतवणुकीची तयारी करत आहे. गुजरातच्या राजकोट मध्ये झालेल्या रीजनल व्हायब्रंट गुजरात समिट (Vibrant Gujarat Summit) मध्ये मुकेश अंबानींनी पुढील पाच वर्षांत गुजरातमध्ये ७ लाख कोटी रुपयांच्या नव्या गुंतवणुकीची मोठी घोषणा केली आहे.

यामुळे केवळ रिलायन्स इंडस्ट्रीजची गुजरातबद्दलची दीर्घकालीन बांधिलकी दिसून येत नाही, तर या नव्या गुंतवणुकीमुळे येत्या काळात गुजरात क्लिन एनर्जी, आर्टिफिशियल इंटेलिजन्स आणि अॅडव्हान्स्ड मॅन्युफॅक्चरिंगसाठी जागतिक केंद्र (ग्लोबल हब) म्हणून समोर येईल.

मुकेश अंबानींनी पंतप्रधान मोदींचं कौतुक केलं

राजकोटमध्ये झालेल्या रीजनल व्हायब्रंट गुजरात समिट (Vibrant Gujarat Summit) मध्ये भाषण करताना मुकेश अंबानींनी पंतप्रधान नरेंद्र मोदी यांचं कौतुक करताना सांगितलं की त्यांनी भारतातील ‘संस्कृतीजन्य आत्मविश्वास’ पुनर्संचयित केला आहे आणि देशाला ‘संभावनांपासून कार्यक्षमतेकडे’ नेलं आहे.

अंबानी म्हणाले, “हे भारताचं निर्णायक दशक आहे. पंतप्रधानांच्या नेतृत्वाखाली भारत फक्त भविष्याची तयारी करत नाही, भारत त्याला आकार देत आहे.” त्यांनी असेही सांगितले की गुजरात रिलायन्सचं ‘शरीर, हृदय आणि आत्मा’ बनलेलं आहे.

गुजरातमध्ये रिलायन्सची मोठी गुंतवणूक

यावेळी मुकेश अंबानींनी सांगितले की रिलायन्सने गेल्या पाच वर्षांत गुजरातमध्ये आधीच ३.५ लाख कोटी रुपयांहून अधिक गुंतवणूक केली आहे आणि आता २०३० पर्यंत हा आकडा दुप्पट करून ७ लाख कोटी रुपयांपर्यंत नेण्याची योजना आहे.

अंबानींनी सांगितले की या गुंतवणुकीमुळे मोठ्या प्रमाणावर रोजगार आणि उपजीविका निर्मिती होईल, तसेच धनसृष्टीला चालना मिळेल. त्यांनी असेही म्हटले, “रिलायन्स आधीच गुजरातचा सर्वात मोठा गुंतवणूकदार आहे आणि आमची बांधिलकी आणखी मजबूत होईल.”

क्लीन एनर्जीसाठी रिलायन्सचा काय योजना आहे?

रिलायन्सच्या क्लीन एनर्जीच्या महत्वाकांक्षांवर बोलताना मुकेश अंबानींनी सांगितले की जामनगरला जगातील सर्वात मोठ्या इंटीग्रेटेड क्लीन एनर्जी इकोसिस्टम म्हणून विकसित केले जात आहे. यामध्ये सौरऊर्जा, बॅटरी स्टोरेज, ग्रीन हायड्रोजन, ग्रीन खत, सस्टेनेबल विमान इंधन, समुद्री इंधन आणि अॅडव्हान्स्ड मटीरियल यांचा समावेश आहे.

अंबानी म्हणाले, “जामनगर, जे कधी भारताचे सर्वात मोठे हायड्रोकार्बन निर्यातक होते, आता देशाचे सर्वात मोठे ग्रीन एनर्जी आणि ग्रीन मटीरियल निर्यातक बनेल.”

यावेळी मुकेश अंबानींनी कच्छला जगातील सर्वात मोठ्या मल्टी-गीगावॅट सौर प्रकल्पाद्वारे ग्लोबल क्लीन एनर्जी हब बनवण्याच्या त्यांच्या योजनेचा देखील उल्लेख केला, ज्याला २४ तास स्टोरेज आणि आधुनिक ग्रिड इंटीग्रेशनचा समर्थन मिळणार आहे.

तंत्रज्ञानाच्या बाबतीत त्यांनी सांगितले की रिलायन्स जामनगरमध्ये भारताचे सर्वात मोठे AI-रेडी डेटा सेंटर तयार करत आहे आणि जिओ लवकरच एक ‘पीपल-फर्स्ट’ आर्टिफिशियल इंटेलिजेंस प्लॅटफॉर्म लॉन्च करणार आहे, जे भारतीय लोकांसाठी त्यांच्या स्वतःच्या गरजांनुसार उपलब्ध असेल.