आजच्या डिजिटल युगात व्हाट्सअप हा संवाद साधण्याचा सर्वाधिक लोकप्रिय आणि सोयीस्कर माध्यम बनला आहे. जगभरात कोट्यवधी लोक दररोज या अॅपच्या माध्यमातून संदेश, फोटो, व्हिडिओ आणि दस्तऐवज शेअर करतात. त्याच्या साध्या इंटरफेसमुळे आणि जलद प्रतिसादक्षमतेमुळे लोकांमध्ये त्याचा वापर झपाट्याने वाढत आहे. व्हाट्सअपद्वारे वैयक्तिक संवादाशिवाय व्यवसायिक व्यवहार, ग्राहक सेवा, शिक्षण, आणि सरकारी सूचना यांसाठीही मोठ्या प्रमाणावर वापर होत आहे. ग्रुप्स आणि ब्रॉडकास्ट फिचर्समुळे एकाच वेळी अनेक लोकांपर्यंत माहिती पोहोचवणे सोपे झाले आहे.
याशिवाय, एंड-टू-एंड एन्क्रिप्शनमुळे संदेश सुरक्षित राहतात, त्यामुळे वापरकर्त्यांचा विश्वास वाढतो. त्यामुळे व्हाट्सअप आता केवळ एक मेसेजिंग अॅप न राहता दैनंदिन जीवनाचा अविभाज्य भाग बनला आहे. मात्र अशा संपूर्ण परिस्थितीत आता व्हाट्सअपने एक महत्वपूर्ण निर्णय घेतला आहे. एक महत्वाची सेवा 15 जानेवारीपासून बंद केली जाणार आहे, ज्याचा परिणाम वापरकर्त्यांच्या दैनंदिन आयुष्यावर होणार आहे. कोट्यवधी वापरकर्त्यांना याचा फटका बसेल.
चॅटजीपीटी एआय चॅटबॉट बंद होणार
व्यावसायिक युजर्स आता WhatsApp वर ChatGPT आणि Perplexity AI सारखे बाहेरील चॅटबॉट्स वापरू शकणार नाहीत. या बदलाचा विशेषतः अशा कंपन्यांवर परिणाम होईल ज्या ग्राहकांशी संवाद साधण्यासाठी अशा AI चॅटबॉट्सचा वापर करतात. व्हॉट्सअपच्या नवीन धोरणानुसार, आता प्लॅटफॉर्मवर कोणताही सामान्य एआय चॅटबॉट वापरला जाणार नाही. चॅटजीपीटी तयार करणारी कंपनी ओपनएआयने 15 जानेवारी 2026 नंतर व्हॉट्सअपवर चॅटजीपीटी बंद करण्याची घोषणा केली आहे. कंपनीने त्याचा वापर पूर्णपणे बंदी घालण्याचा निर्णय घेतला आहे.
कोट्यवधी युजर्सना फटका बसणार !
ओपनएआयने एका ब्लॉग पोस्टमध्ये ही माहिती दिली आहे. सध्या, अंदाजे 5 कोटी युजर्स व्हॉट्सअपवर चॅटजीपीटी वापरत आहेत. हे फीचर बंद केल्याने या सर्व युजर्सवर परिणाम होईल. मेटाच्या नवीन धोरणानुसार, 15 जानेवारी 2026 पासून व्हॉट्सअप बिझनेस एपीआयवर सामान्य एआय चॅटबॉट्स उपलब्ध राहणार नाहीत. कंपनीने या बदलाचे कारण वाढलेले सिस्टम लोड आणि मेसेजेसची वाढती संख्या असल्याचे सांगितले. ओपनएआयने या निर्णयाला प्रतिसाद देत म्हटले की, त्यांना व्हॉट्सअपवर त्यांची सेवा सुरू ठेवायची आहे, परंतु मेटाच्या नवीन धोरणामुळे ते होण्यापासून रोखले जाईल. कंपनी सध्या ही प्रक्रिया सुलभ करण्यासाठी काम करत आहे जेणेकरून युजर्स त्यांची चॅट हिस्ट्री सेव्ह करू शकतील. त्यामुळे ग्राहकांना आता या सेवेला मुकावे लागेल हे यावरून स्पष्ट झाले आहे. ग्राहक इतर ठिकाणी याचा वापर करू शकतील.
वापरकर्त्यांनो, हा उपाय करा !
चॅटजीपीटी युजर्स एआय बॉट वापरून त्यांचे व्हॉट्सअप चॅट्स सहजपणे एक्सपोर्ट करू शकतात. तथापि, व्हॉट्सअप सध्या एआय चॅटबॉट चॅट्स थेट एक्सपोर्ट करण्याची क्षमता देत नाही. OpenAI ने तुमचा WhatsApp नंबर तुमच्या ChatGPT खात्याशी लिंक करण्याचा एक मार्ग उपलब्ध करुन दिला आहे. हे तुमचे जुने चॅट्स पूर्णपणे सुरक्षित ठेवेल आणि WhatsApp सोबत ChatGPT इंटीग्रेशन बंद झाल्यानंतरही, तुम्ही तुमच्या ChatGPT अकाऊंटमधील त्या चॅट्सची हिस्ट्री पाहू शकाल. ही प्रक्रिया पूर्ण करण्यासाठी, तुम्हाला प्रथम ChatGPT अॅप डाउनलोड करावे लागेल.
जर तुम्हाला अॅप डाउनलोड करायचे नसेल, तर तुम्ही chat.openai.com द्वारे वेब ब्राउझरवर ChatGPT देखील वापरू शकता. आता, तुमचे ChatGPT अकाऊंट तयार करा आणि साईन इन करा. आता तुम्हाला तुमचे ChatGPT खाते WhatsApp शी लिंक करावे लागेल. ChatGPT ची WhatsApp प्रोफाइल (1-800-ChatGPT) उघडा. पुढील स्टेपमध्ये, तुमचे खाते लिंक करण्यासाठी तुमच्या संपर्काच्या प्रोफाइलमध्ये प्रदर्शित केलेल्या URL वर टॅप करा. लिंकिंग प्रक्रिया पूर्ण झाल्यावर, तुमचा फोन नंबर तुमच्या ChatGPT अकाऊंटसोबत जोडला जाईल आणि तुम्ही तुमचा ChatGPT हिस्ट्री पाहू शकाल.
