केंद्रीय कामगार संघटनांच्या संयुक्त मंचाने शेतकरी आणि ग्रामीण कामगार संघटनांसोबत मिळून आज बुधवारी 9 जुलै रोजी देशव्यापी संपाची हाक दिली आहे. “भारत बंद” असे या आंदोलनाला नाव देण्यात आले आहे. या आंदोलनाचा उद्देश सरकारच्या धोरणांचा विरोध करणे हा आहे. या आंदोलनात देशभरातून औपचारिक आणि अनौपचारिक क्षेत्रातील 25 कोटींहून अधिक कामगार यात सहभागी होतील,असा अंदाज व्यक्त केला जात आहे. तसेच ग्रामीण भागातून शेतकरी आणि शेतमजूरही यात सामील होणार आहे. त्यामुळे शाळा, महाविद्यालये, रुग्णालये सुरू राहणार की बंद राहणार अशा प्रश्न अनेकांना पडला आहे.
काय-काय बंद राहणार?
- बँकिंग आणि वित्तीय सेवा
- टपाल विभाग
- कोळसा खाणी आणि कारखाने
- राज्य परिवहन सेवा
- सार्वजनिक क्षेत्रातील युनिट्स
- सरकारी विभाग
शाळा-महाविद्यालये बंद राहणार?
सध्या, शाळा, महाविद्यालये आणि खाजगी कार्यालये ९ जुलै रोजी बंद राहतील अशी कोणतीही अधिकृत सूचना नाही. तथापि, अप्रत्यक्षपणे काही प्रमाणात व्यत्यय येण्याची शक्यता आहे. संपूर्ण बंदची घोषणा केलेली नसली तरी, रस्ते अडथळे आणि स्थानिक निषेधांमुळे अनेक शहरांमध्ये वाहतूक विलंब होऊ शकतो किंवा उपलब्धता कमी होऊ शकते. यामुळे प्रवासातील अडचणींमुळे शाळा-महाविद्यालयांच्या कामकाजावर या काळात परिणाम होण्याची शक्यता आहे.
वाहतूक बाधित होण्याचा अंदाज
विशेषतः महानगरे आणि औद्योगिक शहरांमध्ये जिथे युनियनची उपस्थिती मजबूत आहे तिथे अॅप-आधारित कॅब सेवा, सार्वजनिक बस आणि ऑटो-रिक्षा मर्यादित क्षमतेने चालवल्या जाऊ शकतात. दैनंदिन प्रवाशांना आधीच योजना आखण्याचा आणि संभाव्य वाहतूक वळवणे आणि प्रवासासाठी जास्त वेळ लागण्याची शक्यता गृहीत धरण्याचा सल्ला दिला जातो.
बँकिंग सेवांची काय स्थिती?
बँकिंग संघटनांनी संपाच्या कारणास्तव सेवांच्या व्यत्ययाबद्दल स्वतंत्रपणे कोणतीही पुष्टी केलेली नाही. परंतु बंदच्या आयोजकांनुसार वित्तीय सेवांवर परिणाम होईल. बंदच्या आयोजकांनी सांगितले की, या संपामध्ये सार्वजनिक क्षेत्रातील बँका आणि सहकारी बँकिंग क्षेत्रातील कर्मचारी सामील आहेत. त्यामुळे अनेक प्रदेशांमध्ये शाखा सेवा, चेक क्लिअरन्स आणि ग्राहक सहाय्य यासारख्या बँकिंग कार्यांवर परिणाम होऊ शकतो.
रेल्वे विभाग संपात सहभागी नाही!
देशव्यापी रेल्वे संपाबद्दल कोणतीही अधिकृत घोषणा नाही. परंतु देशाच्या अनेक भागांमध्ये मोठ्या प्रमाणावर निदर्शने आणि रस्ता रोको अपेक्षित असल्याने काही प्रदेशांमध्ये रेल्वे सेवांना विलंब किंवा व्यत्यय येऊ शकतो. रेल्वे संघटना औपचारिकपणे भारत बंदमध्ये सामील झालेल्या नाहीत. त्यामुळे देशभरातील रेल्वे सेवा सुरळीत सुरू राहू शकते.
