अनेकदा सोशल मीडियावर विविध प्रकारचे व्हिडिओ व्हायरल होत असतात. काही व्हिडिओ हसवतात तर काही व्हिडिओ पाहून तुमचा पारा चढतो. काही दिवसांपूर्वी बंगळुरूतून असाच एक व्हिडिओ समोर आला होता. ज्यात एक महिलेने रिक्षा चालकाला चप्पलने मारहाण केली होती.
या प्रकरणात रविवारी या महिलेला ऑटो रिक्षाचालकावर चप्पलने हल्ला केल्याबद्दल अटक करण्यात आली. पंखुडी मिश्रा असं या महिलेचं नाव आहे. तिचा एक व्हिडिओ सोशल मीडियावर व्हायरल झाला आहे. ज्यामध्ये ती ऑटो चालक लोकेशला चप्पलने मारताना दिसत आहे. शनिवारी पंखुडी आपल्या पतीसह दुचाकीवर जात असताना हा प्रकार घडला.
भांडणाचं कारण काय?
ऑटो रिक्षा चालक लोकेशने महिलेला रिक्षाने धडक दिल्याचा आरोप पंखुडीने केला आहे. मात्र लोकेशने हा आरोप फेटाळला आहे. या वादादरम्यान लोकेशने संपूर्ण घटनेचा व्हिडिओ शूट करीत होता. यावेळी पंखुडीने रागाच्या भरात त्याच्यावर हल्ला केला. व्हिडिओमध्ये पंखुडी म्हणते की, व्हिडिओ करणार? व्हिडिओ शूट कर आणि यानंतर ती वारंवार त्याला चप्पलेने मारत आहे. यानंतर पंखुडी कोणाला तरी फोन करते आणि म्हणते, ऑटो रिक्षा चालक गैरवर्तणूक करीत आहे. आधी याने माझ्या पायाला रिक्षाने धडक दिली आणि आता व्हिडिओ करीत आहे. यावेळी तिचा पती शेजारी दुचाकीवर बसलाय आणि तो या घटनेचा व्हिडिओ शूट करीत आहे.
A #Hindi-speaking woman slapped a #Kannadiga auto driver with a slipper in #Bengaluru.
According to auto driver’s claim, “She was coming from the wrong side, but she started scolding & hitting me. Please check the nearby CCTV footage to see who is actually at fault!” he added. pic.twitter.com/bSRZV9Eg5W
— Safa 🇮🇳 (@safaspeaks) May 31, 2025
ड्रायव्हरने व्हिडिओ का केला?
लोकेशने सांगितलं की, त्याने व्हिडिओ शूट केला कारण महिला हिंदीमध्ये वाद करीत होती. बंगळुरूत सर्वसाधारणपणे स्थानिक भाषा कन्नड बोलली जाते. या घटनेनंतर पंखुडी आणि तिच्या पतीने रिक्षा चालकाची माफी मागितली.
Woman Who Assaulted Auto Driver in Bellandur Apologizes, Cites Pregnancy and Fear for Safety
In a recent incident that went viral across social media platforms, a woman was seen physically assaulting an auto-rickshaw driver in Bellandur, Bengaluru, drawing sharp criticism from… pic.twitter.com/5PmOfDnKZl
— Karnataka Portfolio (@karnatakaportf) June 2, 2025
पंखुडी म्हणाली, मी माफी मागते. मी प्रेग्नेंट आहे. माझ्या बाळाला काही होईल अशी मला भीती वाटली. पुढे पंखुडी म्हणते, मला बंगळुरू आवडतं. मला इथली संस्कृती आणि लोकही आवडतात. मारहाणीच्या घटनेनंतर पंखुडीला जामीन मिळाला आहे. सोशल मीडियावर या घटनेवरुन विविध प्रकारच्या प्रतिक्रिया येत आहेत.
