नोबेल शांतता पुरस्काराची नुकतीच घोषणा करण्यात आली आहे. नोबेल समितीने व्हेनेज्युएलाच्या विरोधी पक्ष नेत्या मारिया कोरिना माचाडो यांना 2025 चा नोबेल शांतता पुरस्कार देण्याचा निर्णय घेतला आहे. अमेरिकेचे राष्ट्राध्यक्ष डोनाल्ड ट्रम्प यांना सर्वात मोठा धक्का बसला आहे. नॉर्वेची राजधानी ओस्लो येथे शांततेच्या नोबेल पुरस्काराची घोषणा करण्यात आली. मारिया कोरिना मचाडो यांना शांततेचा नोबेल पुरस्कार जाहीर झाला आहे. मी भारत-पाकिस्तान युद्धासह सात युद्धे थांबवली आहेत, त्यामुळे हा पुरस्कार मला मिळावा असं ट्रम्प यांनी म्हटलं होतं. मात्र त्यांना हा पुरस्कार मिलालेला नाही. या घटनेची सध्या जगभरात चर्चा सुरू आहे. अशातच आता व्हाईट हाऊसमधून प्रतिक्रिया समोर आली आहे.
व्हाईट हाऊसमधून प्रतिक्रिया समोर
अमेरिकेचे अध्यक्ष डोनाल्ड ट्रम्प यांना शांततेचा नोबेल जाहीर झाला नसल्यानं व्हाइट हाऊसनं थेट नॉर्वेच्या नोबेल समितीवर टीका केली. डोनाल्ड ट्रम्प यांचे सहायक आणि व्हाइट हाऊसमधील अधिकारी स्टीवन चेऊंग यांनी नोबेल समितीलाच आरोपीच्या पिंजऱ्यात उभं केलं. ते म्हणाले, “अध्यक्ष ट्रम्प शांतता करार, युद्ध थांबवणं आणि जीव वाचवणं सुरु ठेवतील. त्यांचं ह्रदय मानवतेचं असून इच्छाशक्तीच्या जोरावर पर्वत हलवू शकणारं त्यांच्यासारखं दुसरं कोणी नाही. नोबेल समितीनं ते शांततेपेक्षा राजकारणाला प्राधान्य दिल्याचं सिद्ध केलं. ” अशा शब्दांत नोबेल समितीच्या कार्यपद्धतीवर टीका करण्यात आली आहे.
President Trump will continue making peace deals, ending wars, and saving lives.
He has the heart of a humanitarian, and there will never be anyone like him who can move mountains with the sheer force of his will.
The Nobel Committee proved they place politics over peace. https://t.co/dwCEWjE0GE
— Steven Cheung (@StevenCheung47) October 10, 2025
