प्रत्येक सणाची काही स्पेशल रेसिपी असते. त्यात दिवाळी हा महत्वाचा सण आहे. कारण, या सणामध्ये अनेक रेसिपी असतात. लाडू, चिवडा, करंजी, चकली, शंकरपाळी, कापण्या, शेव, अनारसे, बाकरवडी मुगाच्या डाळीचे लाडू अशा अनेक रेसिपींची मेजवाणीच असते. यंदाच्या दिवाळीच्या फराळाची तयारी घरोघरी सुरु झाली असेल. दिवाळीचा फराळामध्ये रव्याचा लाडू हा असतो. चला तर मग जाणून घेऊ या रव्याच्या लाडूची रेसिपी….
साहित्य
- जाड रवा: १ कप
- साखर: १/२ कप (किंवा तुमच्या चवीनुसार)
- तूप: पाव कप
- वेलची पावडर: १/२ चमचा
- ड्राय फ्रुट्स: तुमच्या आवडीनुसार (काजू, बदाम, मनुका)
कृती
- एका कढईत तूप गरम करा आणि त्यात रवा घालून मंद आचेवर खमंग सोनेरी होईपर्यंत भाजा. सुमारे २० मिनिटे लागू शकतात.
- रवा भाजून झाल्यावर त्यात ड्राय फ्रुट्स आणि वेलची पावडर घालून चांगले मिसळा.
- गॅस बंद करा. तयार मिश्रणामध्ये पिठीसाखर घाला आणि चांगले एकत्र करा.
- मिश्रण कोमट असतानाच त्याचे छोटे-छोटे लाडू वळा.
