हिंदू धर्मात शनि प्रदोष व्रताचे विशेष महत्त्व आहे, विशेषतः शनि दोष दूर करून जीवनात स्थिरता मिळविण्यासाठी आणि समस्या सोडवण्यासाठी. हे व्रत त्रयोदशी तिथीला असते आणि जेव्हा ते शनिवारी येते तेव्हा त्याला ‘शनि प्रदोष व्रत’ म्हणतात. जेव्हा हे प्रदोष व्रत कोणत्याही महिन्याच्या कृष्ण पक्षातील त्रयोदशी तिथीच्या शनिवारी येते तेव्हा ते अधिक विशेष मानले जाते. शनि प्रदोष व्रताच्या दिवशी महादेव शिवासह शनिदेव आणि हनुमानाची पूजा केली जाते. या दिवशी काही विशेष उपाय केल्याने जीवनातील अडथळे दूर होतात, चला तर मग याबद्दल जाणून घेऊयात…

शिवपूजन

प्रदोष काळात (सूर्यास्ताच्या वेळी) भगवान शिवाला पंचामृत आणि गंगाजलाने अभिषेक करा. यामुळे शनिदोष कमी होतात. प्रदोष काळ हा सूर्यास्ताच्या आधी दीड तास आणि नंतरचा एक तास असा मानला जातो. या काळात केलेली पूजा सर्वाधिक फलदायी ठरते. भगवान शिवाला बिल्वपत्र अर्पण करावे. मान्यता आहे की या दिवशी शिवाला अर्पण केलेले बिल्वपत्र पूजेनंतर घरी आणून तिजोरीत ठेवल्याने धनवृद्धी होते.