दिवाळीला नुकतीच सुरूवात झाली आहे. वसूबारस, धनत्रयोदशीचा सण मोठ्या उत्साहात सर्वत्र साजरा करण्यात आला. आज लक्ष्मीपूजनचा दिवस आहे. आजच्या दिवशी देवी लक्ष्मीची शुभ मुहूर्तावर खास पूजा केली जाते. देवीला गोडाधोडाचा नैवेद्य दाखवला जातो. आज देवीला मखाण्याच्या खीरीचा खास नैवेद्य दाखवू शकता. याची रेसिपी एकदम सोपी आणि झटपट होणारी आहे. चला तर मग जाणून घेऊयात, ही रेसिपी…..
साहित्य
- मखाणे
- दूध
- साखर
- वेलची पूड
- केशर (ऐच्छिक)
- बदाम, काजू, पिस्ते (बारीक चिरलेले)
कृती
- एका भांड्यात थोडे तूप गरम करून त्यात मखाणे सोनेरी होईपर्यंत खरपूस भाजून घ्या.
- एका वेगळ्या भांड्यात दूध उकळायला ठेवा.
- दूध गरम झाल्यावर त्यात भाजलेले मखाणे घाला आणि ते चांगले शिजवून घ्या.
- नंतर त्यात चवीनुसार साखर आणि वेलची पूड घालून मिश्रण एकजीव करा.
- केशरचे काही धागे आणि चिरलेला सुकामेवा घालून खीर २-३ मिनिटे शिजवा.
- गरमागरम किंवा थंडगार खीर लक्ष्मी देवीला नैवेद्य म्हणून अर्पण करा.
(टीप : वरील सर्व बाबी MP मराठी Breaking केवळ माहिती म्हणून वाचक-प्रेक्षकांपर्यंत पोहोचवत आहे. यातून MP मराठी Breaking कोणताही दावा करत नाही.)
