कार्तिक महिना आला की कार्तिकी एकादशीची ओढ लागते. एकादशीनिमित्त अनेक जण उपवास देखील करतात. दिवसभर काही न खाता-पीता श्रद्धेने एकादशीचा उपवास केला जातो. कार्तिकी एकादशीनिमित्त आम्ही तुमच्यासाठी घेऊन आलोय शेंगदाण्याचे पौष्टिक लाडू. चला तर जाणून घेऊया शेंगदाण्याचे पौष्टिक लाडू बनवण्याची सोपी रेसिपी

साहित्य

• शेंगदाणे (शेंगदाण्याची डाळ)
• गूळ
• तूप

कृती

• शेंगदाणे मंद आचेवर चांगले खरपूस भाजून घ्या.
• शेंगदाणे थोडे थंड झाल्यावर त्यांची साल काढून टाका.
• शेंगदाण्याची डाळ मिक्सरमधून फिरवून थोडी जाडसर पावडर बनवा. एकदम बारीक पीठ करू नका.
• कढईत शेंगदाण्याच्या जाडसर पावडरमध्ये गूळ घालून मंद आचेवर मिक्स करा.
• गूळ विरघळायला लागल्यावर त्यात तूप घाला आणि मिश्रण एकजीव होईपर्यंत शिजवा.
• मिश्रण थोडे कोमट झाल्यावर हाताला तूप लावून त्याचे लाडू वळा.
• लाडू थंड झाल्यावर घट्ट होतील.