गुरु नानक जयंती दरवर्षी कार्तिकी पौर्णिमेला साजरी केली जाते. शीख समुदायासाठी या दिवसाचे विशेष महत्त्व आहे. या दिवशी गुरुद्वाराला रंगीबेरंगी दिवे आणि फुलांनी सजवले जाते. यासोबतच कीर्तन, पारायण, सकाळची मिरवणूक काढण्यात येते. गुरु नानक जयंती याला गुरु परब आणि प्रकाश पर्व असेही म्हणतात.

गुरुनानक जयंतीला प्रकाशपर्व का म्हणतात?

गुरुनानक जयंतीला ‘प्रकाश पर्व’ म्हणतात कारण या दिवशी शीख धर्माचे संस्थापक, पहिले गुरू, गुरु नानक देव यांचा जन्म झाला होता आणि त्यांचा जन्म हा ज्ञानाचा आणि प्रकाशाचा संदेश घेऊन आला होता. हा दिवस त्यांच्या शिकवणींचे स्मरण करण्यासाठी साजरा केला जातो, ज्यात समानता, सत्य आणि ईश्वराच्या एकतेवर भर दिला जातो.  गुरु नानक यांनी आपले जीवन समाजासाठी समर्पित केले होते. त्यांनी जातीवाद निर्मूलनासाठी आणि लोकांना एकात्मतेने बांधण्यासाठी प्रवचन दिले. नानकजींनी समाजात ज्ञानाचा प्रकाश पसरवण्याचे काम केले होते, म्हणूनच गुरु नानक जयंती ही दिव्यांचा उत्सव म्हणूनही साजरी केली जाते.

गुरु नानकजींचा जन्म कधी आणि कुठे झाला?

गुरु नानकजींचा जन्म कार्तिक महिन्याच्या शुक्ल पक्षाच्या पौर्णिमेला  झाला होता. त्यांचा जन्म 1469 मध्ये पंजाब प्रांतातील तलवंडी येथे झाला, जो आता पाकिस्तानात आहे. नानकजींचे जन्मस्थान आता नानकांना साहिब म्हणून ओळखले जाते. शीख समाजाच्या लोकांसाठी हे ठिकाण अतिशय पवित्र मानले जाते.

(टीप : वरील सर्व बाबी MP मराठी Breaking  केवळ माहिती म्हणून वाचक-प्रेक्षकांपर्यंत पोहोचवत आहे. यातून MP मराठी Breaking  कोणताही दावा करत नाही.)