श्रीपाद वल्लभ हे कलियुगातील दत्तात्रेयांचे पहिले पूर्ण अवतार मानले जातात आणि दत्त जयंती हा त्यांचा जन्मदिवस म्हणून साजरा केला जातो. या दिवशी दत्तात्रेयांचे स्मरण आणि नामस्मरण करणे महत्त्वाचे मानले जाते, कारण त्यांच्या नामस्मरणाने सर्व देवतांचे स्मरण केल्याचे पुण्य मिळते. दत्त जयंतीच्या दिवशी कोणत्या मंत्राचा जप करावा जाणून घ्या..
मंत्र
- “ॐ दिगंबरा दिगंबरा श्रीपाद वल्लभ दिगंबरा”
- “ॐ श्री गुरुदेव दत्त”
दत्तजयंतीला दत्तगुरूंचा मंत्रजप करण्यासाठी, तुम्ही “ॐ दिगंबरा दिगंबरा श्रीपाद वल्लभ दिगंबरा” किंवा “ॐ श्री गुरुदेव दत्त” यांसारख्या मंत्रांचा जप करू शकता. दत्त जयंतीला सकाळी किंवा संध्याकाळी स्नान करून, स्वच्छ वस्त्र परिधान करून जप केल्याने दत्त महाराजांची कृपा प्राप्त होते, असे मानले जाते.
दत्तजयंतीला मंत्रजप करण्याची पद्धत
- दत्तजयंतीच्या दिवशी सकाळी किंवा संध्याकाळी स्नान करून, स्वच्छ वस्त्र परिधान करावे.
- शक्य असल्यास उपवास करावा किंवा सात्विक आहार घ्यावा.
- उजव्या हातात फुले आणि अक्षता घेऊन पूजा करावी.
- दत्तजयंतीला सोपी स्वामीसेवा किंवा दत्तसेवा करू शकता.
- दत्तजयंतीच्या निमित्ताने सुरू केलेले ‘गुरुचरित्र पारायण’ दत्त जयंतीला पूर्ण झाल्यास दत्त महाराजांची कृपा मिळते असे मानले जाते.
दत्तजयंती पारायणासाठी वेळ नसेल तर तुम्ही आजपासून दत्तजयंती पर्यंत दत्तगुरूंच्या मंत्रांचा जप संकल्प घेऊन करावा. यासाठी एक वेळ निश्चित करावी व ‘श्री गुरुदेव दत्त’ या मंत्रांचा किमान ११ माळा जप पूर्ण श्रद्धेने दत्तगुरुंसमोर रोज दत्तजयंती पर्यंत करावा. यामुळे दत्तगुरु प्रसन्न होतात व मनोकामना देखील पूर्ण करतात असे मानले जाते.
(टीप : वरील सर्व बाबी MP मराठी Breaking केवळ माहिती म्हणून वाचक-प्रेक्षकांपर्यंत पोहोचवत आहे. यातून MP मराठी Breaking कोणताही दावा करत नाही.)
