प्राजक्ताच्या फुलांना पारिजात म्हणतात. लोक पूजेसाठी प्राजक्ताच्या फुलांचा वापर करतात. पारिजात या झाडाला वास्तुशास्त्रात खूप महत्त्व आहे. चला जाणून घेऊया पारिजात रोप लावण्याचे फायदे…

लक्ष्मीची कृपा

प्राजक्ताची फुले देवाला प्रिय असल्याने, जिथे ही फुले पडतात तिथे लक्ष्मी माता प्रसन्न होऊन वास करते. 

सकारात्मक ऊर्जा

प्राजक्ताच्या सुगंधाने घरात सकारात्मकता येते, ताण कमी होतो आणि आनंद-समृद्धी नांदते.  प्राजक्ताचा सुगंध मन शांत करतो आणि कुटुंबात आनंदाचे वातावरण निर्माण करतो.

वास्तुदोष निवारण

पारिजातकाचे  झाड घरात लावल्याने वास्तुदोष दूर होतात, असेही सांगितले जाते. ज्या घराच्या आसपास प्राजक्ताचे झाड असते, तेथील वास्तुदोष दूर होतात आणि घरात सुख-समृद्धी येते, असे मानले जाते.

पौराणिक महत्त्व

पौराणिक कथेनुसार, हे झाड भगवान कृष्णाने स्वर्गातून पृथ्वीवर आणले होते. सत्यभामा आणि रुक्मिणी यांच्यातील वादामुळे हे झाड असे लावले गेले की त्याची फुले रुक्मिणीच्या अंगणात पडत असत. या पौराणिक कथेमुळेही याला विशेष महत्त्व आहे. पारिजातकाची फुले अत्यंत पवित्र मानली जातात आणि देवी लक्ष्मीला ती खूप प्रिय आहेत. त्यामुळे, जिथे ही फुले नैसर्गिकरित्या पडतात, तिथे लक्ष्मीचा वास असतो असे मानले जाते. 

(टीप : वरील सर्व बाबी MP मराठी Breaking  केवळ माहिती म्हणून वाचक-प्रेक्षकांपर्यंत पोहोचवत आहे. यातून MP मराठी Breaking  कोणताही दावा करत नाही.)