हिंदू धर्मामध्ये ईश्वरचरणी नैवेद्यअर्पण करण्याची प्रथा प्राचीन काळापासून चालत आलेली आहे. देवासमोर ठेवलेल्या नैवेद्याला आपण प्रसाद म्हणतो. नैवेद्याचा शाब्दिक अर्थ म्हणजे भगवंताला अर्पण केलेलं पवित्र भोजन. देवाला अर्पित केल्यानंतर जेव्हा भक्तगण ते ग्रहण करतात तेव्हा आपण त्याला प्रसाद म्हणतात. प्रत्येक देवाला विशिष्ट नैवेद्य अर्पण करण्याची प्रथा आहे. जाणून घेऊयात कोणत्या देवाला कोणता नैवेद्य दाखवावा…
महादेवाला दाखवा या गोष्टींचा नैवेद्य
महादेवाला दूध, दही, मध अर्पण करावे. यामुळे ते लवकर प्रसन्न होतात आणि त्याच्या भक्तांच्या सर्व इच्छा पूर्ण करतात. महादेवाला पांढऱ्या रंगाच्या मिष्ठान्नाचा नैवेद्य दाखवावा.
गणपती बाप्पाला दाखवा या पदार्थांचा नैवेद्य
गणपती बाप्पाला मोदक, पुरणपोळी, लाडू, श्रीखंड आणि वरण-भात यांसारखे नैवेद्य अर्पण केले जातात. या पारंपरिक पदार्थांव्यतिरिक्त, खीर आणि आम्रखंड यांसारखे गोड पदार्थ देखील गणपतीला प्रिय आहेत.
श्री विष्णूंचा नैवेद्य
श्री विष्णूंना खीर, रव्याचा शिरा किंवा नारळ यांसारखे पदार्थ अर्पण करतात, ज्यामध्ये तुळशीची पाने घालणे महत्त्वाचे आहे.
हनुमंताचा नैवेद्य
हनुमानजींना बुंदी खूप आवडते. शुद्ध तुपाने बनवलेले बेसन लाडूही हनुमानजींना आवडतात.अशा स्थितीत मंगळवारी हनुमानजींना बुंदी अर्पण करणे खूप शुभ मानले जाते. कारण मंगळवार हा हनुमानजींना समर्पित आहे. यामुळे हनुमानजी प्रसन्न होतात आणि सर्व मनोकामना पूर्ण होतात.
