रथसप्तमी माघ महिन्यातील शुक्ल पक्षामधील सप्तमी तिथीला साजरी केली जाते. या दिवशी सूर्यदेवाची पूजा केली जाते. तसेच सूर्याला पाणी अर्पण करून दान देखील केले जाते. रथसप्तमी कधी आहे, पूजा करण्याची पद्धत आणि वेळ जाणून घ्या…
कधी आहे रथसप्तमी ?
रक्षसप्तमी रविवार, 25 जानेवारी 2026 रोजी रात्री 12 वाजून 39 मिनिटांनी सुरु होईल आणि 25 जानेवारी 2026 रोजी रात्री 11 वाजून 10 मिनिटांनी संपेल. उदयतिथीनुसार 25 जानेवारीला रथसप्तमी साजरी केली जाईल. यावर्षी रथ सप्तमीला स्नान करण्याचा शुभ मुहूर्त पहाटे 5 वाजून 26 मिनिटांनी सुरू होईल आणि सकाळी 7 वाजून13 मिनिटांपर्यंत असेल.
रथसप्तमीची पूजा कशी करायची
- सूर्योदयापूर्वी, शक्यतो अरुणोदयाच्या वेळी, पवित्र स्नान करावे.
- सूर्योदयाच्या वेळी सूर्यदेवाला पाणी अर्पण करावे (अर्घ्य द्यावे).
- सूर्यदेवाला अर्घ्य द्यावे आणि ‘ॐ सूर्याय नमः’ किंवा ‘ॐ घृणि सूर्याय नमः’ यांसारख्या मंत्रांचा जप करावा.
- लाल फुले, चंदन, कापूर आणि उदबत्ती वापरून सूर्यदेवाची पूजा करावी, तुपाचा दिवा लावावा.
- या दिवशी दानधर्म करणे अत्यंत शुभ मानले जाते.
