या अंगारकी चतुर्थीला तुम्हीही काही पारंपरिक आणि चविष्ट मिठाई बनवून बाप्पाला नैवेद्य दाखवू शकता. गणपती बाप्पाला मालपुआ खूप आवडतात, असं म्हटलं जातं. म्हणूनच चतुर्थीला बाप्पाला मालपुआचं नैवेद्य दाखवल्यास ते नक्कीच तुमच्यावर प्रसन्न होतील.
साहित्य
- गव्हाचे पीठ
- रवा
- दूध
- पाणी
- वेलची पावडर
- साखर
- साजूक तूप
कृती
- एका भांड्यात गव्हाचे पीठ, रवा, थोडी वेलची पूड, आणि चिमूटभर मीठ घ्या. त्यात हळूहळू दूध आणि पाणी घालून गुळगुळीत, पळीने पडेल असे मिश्रण तयार करा. पीठ भिजवण्यासाठी थोडा वेळ (१५-२० मिनिटे) ठेवा.
- दुसऱ्या भांड्यात साखर आणि पाणी घेऊन एकतारी पाक तयार करा. त्यात वेलची पूड आणि केसर घालू शकता. पाक तयार झाल्यावर गॅस बंद करा.
- कढईत तूप गरम करा. तयार पिठाचा एक मोठा चमचा घेऊन गरम तेलात सोडा. दोन्ही बाजूंनी सोनेरी-तपकिरी रंगाचे होईपर्यंत तळा.
- तळलेले मालपुआ गरम पाकात लगेच टाका. ते पाकात चांगले भिजल्यावर काढून घ्या.
- काही वेळाने मालपुआ ताटात घेऊन बाप्पाला नैवेद्यं अर्पण करा.
(टीप : वरील सर्व बाबी MP मराठी Breaking केवळ माहिती म्हणून वाचक-प्रेक्षकांपर्यंत पोहोचवत आहे. यातून MP मराठी Breaking कोणताही दावा करत नाही.)
