वास्तुशास्त्रानुसार फ्लॅटमधील बाल्कनी (गॅलरी) ही केवळ मोकळी जागा नसून ती सकारात्मक ऊर्जा, सूर्यप्रकाश आणि ताजी हवा घरात आणण्याचे महत्त्वाचे माध्यम आहे. चुकीच्या दिशेची बाल्कनी नकारात्मकता वाढवू शकते, त्यामुळे बाल्कनीची दिशा, रचना आणि सजावट करताना विशेष काळजी घेणे आवश्यक आहे.
योग्य दिशा
बाल्कनीसाठी सर्वात उत्तम दिशा पूर्व किंवा उत्तर आहे. या दिशांमधून घरात सकाळी सुखद ऊन आणि सकारात्मक ऊर्जा येते. दक्षिण-पश्चिम दिशेची बाल्कनी असल्यास, या दिशेला जड कुंड्या ठेवून किंवा जड पडदे लावून नकारात्मकता कमी करता येते.
कमी वजन
बाल्कनीचा भाग घराच्या मुख्य भिंतींपेक्षा हलका असावा. बाल्कनीत जड फर्निचर, पाण्याची टाकी किंवा कपाट ठेवू नये, कारण यामुळे सकारात्मक ऊर्जेच्या प्रवाहात अडथळा निर्माण होतो.
सजावट आणि रंग
बाल्कनीला हलके रंग द्यावेत. पांढरा, हलका निळा, क्रीम किंवा फिकट हिरवा यांसारखे रंग वापरावेत. गडद रंग (काळा, लाल) वापरणे टाळावे.
सजावटीची झाडे
बाल्कनीत छोटी झाडे लावणे चांगले असते. उत्तर किंवा पूर्व दिशेला कुंडीत छोटी रोपे लावल्याने हवा शुद्ध राहते. काटेरी झाडे (उदा. कॅक्टस) किंवा बोन्साय बाल्कनीत ठेवू नयेत, कारण ती नकारात्मक ऊर्जा आकर्षित करतात. बाल्कनीत कुंडीत हिरवीगार, लहान आणि सुगंधी झाडे लावावीत. तुळशीचे रोप लावणे शुभ मानले जाते. ‘मनि प्लांट’ किंवा लहान शोभिवंत झाडे सकारात्मक ऊर्जा वाढवतात.
स्वच्छता
बाल्कनी नेहमी स्वच्छ असावी. अनेक लोक तिथे जुने सामान, भंगार किंवा झाडू ठेवतात, जे वास्तुदोष निर्माण करते. बाल्कनीत कचरा किंवा घाण साचू देऊ नका, ती जागा मोकळी आणि प्रसन्न ठेवावी.
प्रकाश
संध्याकाळी बाल्कनीत पुरेसा प्रकाश असावा, तिथे अंधार नसावा. एखादा छोटा दिवा किंवा प्रकाश देणारी रोषणाई लावल्यास सकारात्मकता वाढते.
(टीप : वरील सर्व बाबी MP मराठी Breaking केवळ माहिती म्हणून वाचक-प्रेक्षकांपर्यंत पोहोचवत आहे. यातून MP मराठी Breaking कोणताही दावा करत नाही.)
