हिंदू धर्मात एकादशीला विशेष महत्त्व आहे. प्रत्येक एकादशीचे स्वतःचे महत्त्व असते. माघ महिन्याच्या शुक्ल पक्षातील एकादशी तिथीला जया एकादशी असे म्हटले जाते. जया एकादशीच्या दिवशी काय करावे आणि काय करू नये? जाणून घेऊयात…

जया एकादशीचे महत्त्व

पौराणिक मान्यतेनुसार, जया एकादशीचे व्रत केल्याने सर्व पापातून मुक्ती मिळते. या दिवशी भगवान विष्णूंची पूजा केल्याने सर्व इच्छा पूर्ण होतात आणि आयुष्यातील सर्व दुःखे दूर होतात. या एकादशीचे व्रत अत्यंत पवित्र मानले जाते, ज्यामुळे मोक्ष प्राप्त होतो. या व्रतामुळे माणसाला भूत-प्रेत योनी किंवा पिशाचांसारख्या कष्टांतून मुक्ती मिळते आणि पापांचा नाश होतो. जया एकादशीचे व्रत केल्याने जीवनातील सर्व आर्थिक संकटे दूर होतात. या दिवशी उपवास केल्याने अश्वमेध यज्ञ केल्यासारखे पुण्य मिळते.

जया एकादशीच्या दिवशी काय करावे ?

• सूर्योदयापूर्वी उठून स्नान करावे आणि भगवान विष्णूची, लक्ष्मी मातेची पूजा करावी.
• विष्णूजींच्या पूजेत तुळशी अर्पण करणे अनिवार्य आहे, कारण त्यांना तुळशी अत्यंत प्रिय आहे।
• उपवास कडक असावा, न शकल्यास फलाहार (फळे, दूध) घ्यावा.
• दिवसभर “ॐ नमो भगवते वासुदेवाय” मंत्राचा जप करावा आणि विष्णू सहस्रनामाचे पठण करावे.
• गरजूंना किंवा ब्राह्मणांना दान देणे पुण्यकारक मानले जाते.
• दुसऱ्या दिवशी द्वादशीला सूर्योदयानंतर योग्य वेळेत (पारण) उपवास सोडावा.
• हे व्रत अत्यंत पुण्यदायी असून यामुळे वैकुंठ प्राप्ती होते, अशी मान्यता आहे.