हिंदू धर्मात प्रत्येक सणाला विशेष महत्त्व आहे. वर्षातील पहिला सण म्हणजे मकर संक्रांत. हिंदू धर्मात मकर संक्रांतीला अतिशय महत्त्व आहे. सूर्य जेव्हा मकर राशीत प्रवेश करतो, तेव्हा येणाऱ्या या दिवसाला मकर संक्रांती म्हणतात, ज्याला ज्योतिषशास्त्रात विशेष महत्त्व आहे. यंदा मकर संक्रांतीचे वाहन काय आहे याबद्दल लोकांमध्ये उत्सुकता आहे. चला तर मग याबद्दल जाणून घेऊयात…
संक्रांतीचे स्वरुप
हिंदू पंचांगानुसार यंदा संक्रांत ही नंदा या नावाने ओळखली जाणार आहे. यंदा संक्रांत ‘नंदा’ स्वरूपात घोड्यावर स्वार होऊन येत असल्याने, ती सर्व राशींवर परिणाम करेल आणि प्रत्येक राशीसाठी त्याचे फळ वेगवेगळे असेल, असे पंचांग सांगते. संक्रांती दरवर्षी आपल्या वाहनावर स्वार होऊन येते आणि तिचे वाहन, वस्त्र, शस्त्र यानुसार जगावर परिणाम होतो.
मकर संक्रांती २०२६ मध्ये ‘नंदा’ नावाची संक्रांत घोडेस्वारीने येतेय, तिचे उपवाहन सिंह आहे, ती पिवळे वस्त्र परिधान करून हातात गदा आणि जाईचे फूल घेऊन कस्तुरीचा लेप लावून बसलेल्या अवस्थेत आहे, त्यामुळे यंदा सर्व राशींवर तिचा प्रभाव पडणार असून, संक्रांतीचा परिणाम राशींनुसार बदलणार आहे. संक्रांत धनु राशीसाठी चांगली नसून, काही राशींना सुख-समृद्धी तर काहींना संकटे देईल, असे ज्योतिष सांगते.
शास्त्रांनुसार, देवी ज्या रंगाचे वस्त्र परिधान करते, तो रंग त्या संक्रांतीला वापरणे टाळावे, म्हणून पिवळ्या रंगाचे कपडे किंवा इतर गोष्टी टाळा. २०२६ ची संक्रांत देवी ‘नंदा’ घोड्यावर स्वार होऊन येत असल्याने, पिवळ्या वस्त्रांमुळे पिवळा रंग टाळणे महत्त्वाचे आहे, तसेच हातात गदा आणि जाईचे फूल असणार आहे.
यंदा कशावर असणार संक्रांत?
शास्त्रानुसार, २०२६ च्या मकर संक्रांतीला देवी पिवळे वस्त्र परिधान करून येईल, ज्यामुळे सोने, हळद, हरभरा डाळ, पितळ यांसारख्या वस्तूंच्या किंमतीत वाढ आणि धार्मिक कार्यांवर खर्च वाढेल, तसेच तिचे वाहन ‘घोडं’ असेल, शस्त्र ‘गदा’ असेल, जे शिस्त आणि संघर्षाचे प्रतीक आहे, आणि तिचा प्रवेश ‘पूर्वेकडून’ होईल, ज्यामुळे देशातील आर्थिक व सामाजिक स्थितीवर परिणाम होईल, असे भाकीत करण्यात आले आहे.
पिवळा रंग गुरु ग्रहाशी संबंधित असल्याने धार्मिक कार्यांवर अधिक खर्च वाढेल. घोडा वाहन आणि गदा शस्त्र हे देशाच्या आणि जगाच्या राजकीय व तांत्रिक स्थितीवर परिणाम करणारे ठरतील, असे भाकीत आहे. सोने-हळदीच्या दरात वाढ होईल आणि शत्रूंवर वचक बसेल, तसेच राजकीय व तांत्रिक घडामोडींना वेग येईल, असे शास्त्र संकेत देतात.
(टीप : वरील सर्व बाबी MP मराठी Breaking केवळ माहिती म्हणून वाचक-प्रेक्षकांपर्यंत पोहोचवत आहे. यातून MP मराठी Breaking कोणताही दावा करत नाही.)
