वास्तुशास्त्रानुसार प्रत्येक गोष्टीचा आपल्या जीवनात सकारात्मक आणि नकारात्मक परिणाम होतो. वास्तू दोषांचा आपल्या जीवनावर मोठा परिणाम होतो. यामुळे तुमची सुरळीत सुरु असलेली कामंही बिघडू लागतात. व्यवसायात पैशांशी संबंधित समस्या येतात. जर तुमच्या घरात वास्तुदोषाची समस्या असेल तर वास्तुशास्त्रात त्यासाठी काही उपाय सांगितले गेले आहेत. आज आपण मोहरीचे काही सोपे उपाय जाणून घेणार आहोत..

घराच्या प्रवेशद्वाराजवळ मोहरी

घराच्या मुख्य दाराजवळ किंवा कोपऱ्यात मोहरीचे दाणे ठेवल्यास घरातून वास्तुदोष आणि नकारात्मक ऊर्जा दूर होते, ज्यामुळे आर्थिक समृद्धी येते. पिवळी मोहरी, कापूर आणि तमालपत्र एकत्र करून मंगळवार किंवा शनिवारी जाळल्यास नजरदोष दूर होतो.

घरातील अडथळे दूर करण्यासाठी

मोहरीचा वापर दृष्ट काढण्यासाठी केला जातो. डोळ्यांच्या किंवा इतर समस्या असल्यास, मोहरीचे दाणे, मीठ आणि काही वस्तू एकत्र करून नदीत प्रवाहित केल्याने त्रास कमी होतो, असे पारंपरिक समजुती सांगतात. मोहरी, काळी मोहरी आणि काळे तीळ एकत्र करून वाहत्या पाण्यात किंवा झाडाखाली सोडल्यास अडथळे दूर होतात. 

आर्थिक स्थैर्यासाठी

मोहरीच्या दाण्यांचा वापर करून केलेले काही उपाय घरात लक्ष्मीचा वास टिकवून ठेवण्यास मदत करतात. पिवळी मोहरी एका तांब्याच्या भांड्यात आणि चांदीचे नाणे ईशान्य कोपऱ्यात ठेवल्यास धन आकर्षित होते.

शनिवार

शनिवारी संध्याकाळी मोहरीच्या तेलाचा दिवा लावल्याने शनिदोषाचा प्रभाव कमी होतो आणि आर्थिक अडचणी दूर होतात, असे सांगितले जाते. शनिदेवाला प्रसन्न करण्यासाठी आणि आर्थिक अडचणी दूर करण्यासाठी, शनिवारी संध्याकाळी मोहरीच्या तेलाचा दिवा लावा. हा दिवा घराच्या बाहेर किंवा दारात लावावा

मोहरी आणि मीठ (नकारात्मक ऊर्जा)

घरातून नकारात्मक ऊर्जा बाहेर काढण्यासाठी आणि सकारात्मकता आणण्यासाठी मोहरी आणि मीठ एकत्र करून ते घरातल्या कोपऱ्यांमध्ये ठेवू शकता.

पिंपळाचे झाड

शनिवारी पिंपळाच्या झाडाखाली मोहरीच्या तेलाचा दिवा लावल्यास शनिदेव प्रसन्न होतात आणि आर्थिक समस्यांतून मुक्ती मिळते.

(टीप : वरील सर्व बाबी MP मराठी Breaking  केवळ माहिती म्हणून वाचक-प्रेक्षकांपर्यंत पोहोचवत आहे. यातून MP मराठी Breaking  कोणताही दावा करत नाही.)