माघ महिन्यातील सप्तमीचा दिवस रथसप्तमी म्हणून साजरा केला जातो. रथसप्तमीला घरोघरी पूजा करुन येणारा ऋतू, वर्ष चांगले जावे यासाठी प्रार्थना केली जाते. महाराष्ट्रात या दिवशी देवाला नैवेद्य दाखवण्याची पद्धत आहे. आज आपण गूळ आणि तांदळाची खीर (पायस) हा पदार्थ कसा बनवायचा हे पाहुयात…
साहित्य
- १ लिटर पूर्ण चरबीचे दूध
- अर्धा कप भिजवलेला तांदूळ
- सेंद्रिय गूळ
- वेलची पावडर
- सुका मेवा,
- तूप
कृती
- तांदूळ स्वच्छ धुवून घ्या आणि थोडे सुकवून घ्या.
- जाड बुडाच्या भांड्यात तूप गरम करून तांदूळ हलके परतून घ्या.
- दूध घालून मंद आचेवर तांदूळ पूर्ण शिजेपर्यंत शिजवा. दूध दाट होईपर्यंत आटवा
- गॅस बंद करा. दूध थोडे थंड झाल्यावरच गूळ घाला (गॅस चालू असताना गूळ घातल्यास दूध फाटू शकते)
- वेलची पूड आणि सुका मेवा घालून मिश्रित करा.
- ही गरम खीर सूर्यदेवाला नैवेद्य म्हणून अर्पण करा.
(टीप : वरील सर्व बाबी MP मराठी Breaking केवळ माहिती म्हणून वाचक-प्रेक्षकांपर्यंत पोहोचवत आहे. यातून MP मराठी Breaking कोणताही दावा करत नाही.)
