श्री गजानन महाराज प्रकट दिन हा भक्तांसाठी अत्यंत महत्त्वाचा सोहळा असून, यंदा २०२६ मध्ये हा उत्सव रविवार, ८ फेब्रुवारी २०२६ रोजी साजरा केला जात आहे. महाराजांनी नेहमीच साध्या अन्नाला महत्त्व दिले. अंबाडीची भाजी ही महाराजांना अत्यंत प्रिय होती. विदर्भात लोकप्रिय असलेली ही आंबट भाजी भक्तीभावाने नैवेद्यात अर्पण केली जाते. या दिवशी अनेक भक्त घरी अंबाडीची भाजी आणि भाकरीचा नैवेद्य दाखवून “गण गण गणात बोते” चा जप करतात. चला तर मग  महाराजांच्या अंबाडीची भाजी आणि भाकरी बनवण्याची सोपी पद्धत जाणून घ्या…

साहित्य

• १ जुडी अंबाडीची भाजी (पाने तोडून स्वच्छ धुवून घेतलेली)
• ४-५ लसूण पाकळ्या (ठेचून)
• ३-४ हिरव्या मिरच्या
• २ चमचे भाजलेल्या शेंगदाण्याचा कूट
• १ चमचा बेसन (पिठलं) – पर्यायी, दाटसरपणासाठी
• मीठ, तेल आणि जिरे-मोहरी 

कृती

• स्वच्छ धुलेली अंबाडीची भाजी कुकरमध्ये किंवा पातेल्यात थोडं पाणी घालून मऊ होईपर्यंत उकडवून घ्या.
• भाजी शिजल्यावर त्यातील जास्तीचे आंबट पाणी निथळून वेगळे करा (हे पाणी आमटीसाठी वापरता येते).
• शिजलेली भाजी रवीने किंवा चमच्याने नीट रगडून (स्मॅश करून) घ्या.
• कढईत तेल गरम करून त्यात जिरे-मोहरी आणि ठेचलेला लसूण व हिरवी मिरची टाकून छान परतून घ्या.
• रगडलेली भाजी फोडणीत घाला. चवीपुरते मीठ आणि शेंगदाण्याचा कूट घाला.
• मंद आचेवर २-३ मिनिटे वाफ काढा. 
• ही गरमागरम आंबट-तिखट अंबाडीची भाजी ज्वारी किंवा बाजरीच्या भाकरीसोबत अप्रतिम लागते.

(टीप : वरील सर्व बाबी MP मराठी Breaking केवळ माहिती म्हणून वाचक-प्रेक्षकांपर्यंत पोहोचवत आहे. यातून MP मराठी Breaking कोणताही दावा करत नाही.)