वास्तुशास्त्रानुसार घर साफसफाईचे काही महत्त्वाचे नियम आहेत. वास्तुशास्त्रात घर पुसण्याचेही नियम सांगण्यात आले आहेत. वास्तुनुसार अशा काही वेळ, दिवस असतात ज्यावेळी घराची साफसफाई करणे अशुभ मानले जाते. या नियमांचे पालन केल्याने घरात सकारात्मक ऊर्जा आणि समृद्धी येते, ज्यामुळे घरात शांती व आनंद टिकतो. चला तर मग याबद्दल जाणून घेऊयात…
घर पुसण्याची योग्य वेळ कोणती?
वास्तुशास्त्रानुसार, घर पुसण्यासाठी सूर्य उगवल्यानंतर आणि दुपारच्या आधीची वेळ शुभ मानली जाते, विशेषतः सकाळी लवकर, कारण ही लक्ष्मीच्या आगमनाची वेळ असते. ब्रह्म मुहूर्तावर (सकाळी ४ ते ६) पुसू नये, कारण ती पूजेची वेळ असते. पुसताना प्रवेशद्वारापासून सुरुवात करावी आणि घरातील ईशान्य, उत्तर व वायव्य कोपरे स्वच्छ ठेवावे, यामुळे सकारात्मक ऊर्जा राहते.
सकाळची वेळ सकारात्मक ऊर्जा आणि देवी लक्ष्मीच्या घरात प्रवेशाची वेळ मानली जाते. त्यामुळे या वेळेत घर स्वच्छ केल्यास घरात सुख-समृद्धी येते. या वेळेत स्वच्छता केल्याने नकारात्मक ऊर्जा दूर होते आणि सकारात्मक ऊर्जा घरात टिकून राहते.
या दिवशी फरशी पुसणे टाळावे
गुरुवार आणि एकादशी या दिवशी फरशी पुसणे टाळावे, कारण गुरुवारी गुरु ग्रह क्रोधीत होतात व एकादशीला फरशी पुसल्याने कुटुंबावर नकारात्मक परिणाम होऊ शकतात; तसेच दुपारच्या वेळी पुसू नये, कारण यामुळे घरात नकारात्मक ऊर्जा येते.
योग्य वेळी आणि योग्य पद्धतीने साफसफाई केल्याने घरातील नकारात्मक ऊर्जा दूर होते आणि सकारात्मक ऊर्जा वाढते, ज्यामुळे कुटुंबातील अडचणी कमी होतात, असे वास्तुशास्त्र सांगते.
(टीप : वरील सर्व बाबी MP मराठी Breaking केवळ माहिती म्हणून वाचक-प्रेक्षकांपर्यंत पोहोचवत आहे. यातून MP मराठी Breaking कोणताही दावा करत नाही.)
