हिंदू परंपरेनुसार दिवाळीचा पाच दिवसांचा उत्सव कार्तिक महिन्याच्या त्रयोदशीपासून सुरू होतो. या दिवसाला धनतेरस किंवा धनत्रयोदशीदेखील म्हणतात. धनत्रयोदशी आणि दिवाळीसाठी लोक आधीच तयारी करत असतात. या विशेष दिवशी आई लक्ष्मी, भगवान धन्वंतरि आणि कुबेर यांची पूजा केली जाते. धनतेरसच्या दिवशी विशेषतः भगवान धन्वंतरी आणि धनदेवतेची पूजा केली जाते. दिवाळीच्या विशेष प्रसंगी घरात आनंद आणि समृद्धी टिकून राहावी म्हणून लक्ष्मीमातेला नैवेद्य अर्पण केला जातो. या खास दिवशी गोड पदार्थ तयार केले जातात. या गोड पदार्थांना नैवेद्य म्हणून अर्पण केले जाते. या दिवशी प्रसादासाठी तुम्ही देखील गुळाची खीर बनवू शकता…

साहित्य

  • तांदूळ
  • दूध
  • गूळ
  • ड्रायफ्रूट्स (बदाम, काजू, मनुके)
  • वेलची पावडर 

कृती

  • तांदूळ स्वच्छ धुऊन घ्या आणि काही वेळ पाण्यात भिजत ठेवा.
  • एका जाड बुडाच्या भांड्यात दूध गरम करा आणि ते उकळू द्या.
  • भिजवलेले तांदूळ दुधात टाका आणि ते पूर्णपणे शिजेपर्यंत आणि मिश्रण घट्ट होईपर्यंत शिजवा. सतत ढवळत राहा जेणेकरून खीर भांड्याला चिकटणार नाही.
  • खीर शिजल्यावर गॅस बंद करा. गुळाची खीर बनवण्यासाठी गुळाचा वापर नेहमी साखरेऐवजी केला जातो, त्यामुळे गॅस बंद केल्यानंतर त्यात गूळ घाला. गुळाची चव जळू नये म्हणून तो गरम खीर झाल्यावरच घालावा लागतो.
  • चिरलेले ड्रायफ्रूट्स आणि वेलची पावडर घाला.
  • गुळाची खीर तयार आहे. ती थंड झाल्यावर किंवा गरम असतानाही प्रसादासाठी वापरता येते.

हे ही वाचा

1घरात चुकूनही आणू नका या देवाची मूर्ती; अन्यथा होईल मोठं नुकसान
2Mahashiratri 2026 : महाशिवरात्रीला महादेवाला अर्पण करा ‘थंडाई’; भोलेनाथ होतील प्रसन्न, जाणून घ्या पौराणिक महत्त्व…
3Shani Pradosh 2026 : शनि प्रदोष विशेष! शनीच्या साडेसातीचा प्रभाव कमी करण्यासाठी ‘या’ काळात करा हनुमान चालीसा पठण..
4Shani Pradosh Vrat 2026 : ‘शनि प्रदोष व्रत’ शिव आणि शनिदेवाच्या कृपेसाठी करा ‘हे’ विशेष उपाय..