धनत्रयोदशीची तिथी 18 ऑक्टोबर रोजी दुपारी 12 वाजून 18 मिनिटांनी सुरू होणार असून 19  ऑक्टोबर रोजी दुपारी 1 वाजून 51  मिनिटांनी ही तिथी समाप्त होईल. धनतेरस 18 ऑक्टोबर, शनिवार प्रदोष काल असल्याने साजरा केला जाईल.

धनत्रयोदशी खरेदीचा मुहूर्त

धनत्रयोदशीच्या दिवशी खरेदी करणे अत्यंत शुभ मानले जाते.

• पहिला मुहूर्त- 18 ऑक्टोबर  दुपारी 12 वाजून 01 मिनिटांपासून ते 12 वाजून 48  मिनिटांपर्यंत आहे.
• दुसरा मुहूर्त- दुपारी 1 वाजून 51 मिनिटांपासून ते 3 वाजून 18 मिनिटांपर्यंत आहे.
• संध्याकाळचा मुहूर्त- संध्याकाळीही खरेदी करता येते. या दिवशी, संध्याकाळचा मुहूर्त 6 वाजून 11 मिनिटांपासून  ते 8 वाजून 41 मिनिटांपर्यंत असेल.

पूजेचा मुहूर्त

धनत्रयोदशीच्या दिवशी पूजा संध्याकाळी केली जाते. 18 ऑक्टोबर रोजी सायंकाळी 7 वाजून 31 मिनिटं ते 8 वाजून 20 मिनिटं या वेळेत पूजा करता येईल.

• ब्रह्म मुहूर्त : सकाळी 4 वाजून 43 मिनिटं ते 5 वाजून 33 मिनिटं
• अभिजित मुहूर्त : सकाळी 11 वाजून 43 मिनिटं ते दुपारी 12 वाजून 29 मिनिटं
• प्रदोष काल : दुपारी 05 वाजून 48 मिनिटं ते रात्री 08 वाजून 20 मिनिटं

धनत्रयोदशीच्या दिवशी या गोष्टींची करा खरेदी

• झाडू हे लक्ष्मी देवीचे प्रतीक मानले जाते. धनत्रयोदशीच्या दिवशी नवीन झाडू खरेदी करणे अत्यंत शुभ मानले जाते, ज्यामुळे घरातून दारिद्र्य दूर होते आणि सुख-समृद्धीचा वास येतो.
• तुम्ही धनत्रयोदशीच्या दिवशी लक्ष्मी किंवा गणपतीची मूर्ती खरेदी करू शकता आणि दिवाळीच्या दिवशी तिची पूजा करू शकता.
• धनत्रयोदशीच्या दिवशी धने खरेदी करून ते लक्ष्मी देवीला अर्पण करणे शुभ असते. धणे हे धनाचे प्रतीक मानले जातात.
• सोनं-चांदी खरेदी करणे शक्य नसेल, तर श्रीयंत्र किंवा कुबेर यंत्र खरेदी करणे अत्यंत शुभ मानले जाते.
• या दिवशी सोनं, चांदी विकत घेणं शुभ मानलं जातं
• तसेच तांबा, पितळ,चांदीची भांडी विकत घेणंही शुभ असतं.

(टीप : वरील सर्व बाबी MP मराठी Breaking  केवळ माहिती म्हणून वाचक-प्रेक्षकांपर्यंत पोहोचवत आहे. यातून MP मराठी Breaking  कोणताही दावा करत नाही.)