उद्या २० ऑक्टोबर २०२५ रोजी तुमचा आमचा आवडता सण दिवाळी साजरी केली जाईल. दिवाळीमध्ये प्रकाशाला खूप महत्त्व असून, या काळात दिव्यांनी संपूर्ण घर उजळून निघतं. असे मानले जाते की यामुळे घरात सुख आणि समृद्धी येते. दिवाळीच्या दिवशी देवी लक्ष्मी आणि भगवान गणेशाची पूजा केली जाते. धार्मिक श्रद्धेनुसार, या दिवशी देवी लक्ष्मी आणि गणपती बाप्पाची पूजा (Diwali Puja 2025) केल्याने जीवनात आनंद आणि शांती येते. त्यामुळे आर्थिक लाभ होण्याची शक्यता देखील निर्माण होते. परंतु ही पूजा पूर्ण फलदायी होण्यासाठी काही नियमाचे पालन करणेही तितकंच मह्त्वाचे असते. आज आम्ही तुम्हाला अशाच लहानसहान, परंतु तितक्याच महत्वाच्या बाबी सांगणार आहोत, ज्या तुम्ही पूजेच्या काळात लक्षात ठेवणं गरजेचं आहे.

१) पूजेची दिशा –

दिवाळीच्या पूजेच्या वेळी, आपण कोणत्या दिशेला पूजा करत आहोत हे पाहणेही महत्वाचे असते. शास्त्रांनुसार, उत्तर किंवा ईशान्य दिशेला पूजा करणे शुभ मानले जाते. अशावेळी जी व्यक्ती पूजा करणार आहे त्या व्यक्तीने पूर्वेकडे किंवा उत्तरेकडे तोंड करावे. अशा पद्धतीने पूजा केल्यास लक्ष्मी मातेचा आशीर्वाद मिळतो आणि घरात सकारात्मक वातावरण पाहायला मिळते.

२) शुद्ध तूप किंवा तिळाचे तेल – Diwali Puja 2025

दिवाळीच्या पूजेच्या वेळी शुद्ध तूप किंवा तीळाच्या तेलाने दिवा लावणे अत्यंत शुभ मानले जाते. पूजेच्या शेवटी कापूरने आरती करा. यामुळे वातावरण शुद्ध होते आणि नकारात्मक ऊर्जा नाहीशी होते. देवाला फुले, हार आणि नैवेद्य अर्पण करा.

३) लक्ष्मी-गणेशाची मूर्ती कशी असावी ?

लक्ष्मी माता आणि गणेशाची मूर्ती दरवर्षी नवीन असावी. शक्यतो जुन्या मूर्ती वापरू नये. मूर्ती मातीच्या किंवा धातूच्या बनवाव्यात आणि लक्ष्मी-गणेशाच्या मूर्ती स्वतंत्रपणे स्थापित कराव्यात. दोन्ही मूर्ती एकमेकांशी जोडल्या जात नाहीत याची खात्री करा. पूजा केल्यानंतर, (Diwali Puja 2025) जुन्या मूर्ती वाहत्या पाण्यात विसर्जित करा.

४) लक्ष्मी मातेची मूर्ती कशी असावी ?

लक्ष्मीची मूर्ती कमळाच्या आसनावर बसलेली असावी आणि तिच्या हातातून पैसे किंवा सोन्याचे नाणे पडत आहेत याची खात्री करा. लक्ष्मी मातेने लाल किंवा गुलाबी रंगाचे कपडे घालणे हे सौभाग्य आणि समृद्धीचे प्रतीक मानले जाते.

५) लक्ष्मी पूजेदरम्यान या वस्तू ठेवा

पूजास्थळी श्रीयंत्र, कौडीचे कवच, गोमती चक्र आणि हळदीचे पाच गोळे ठेवा. हे धन आणि सौभाग्याचे प्रतीक आहेत. प्रदोष काळाच्या वेळी शुभ मुहूर्तानुसार पूजा करा आणि संपूर्ण कुटुंबासह आरती करा.

(टीप : वरील सर्व माहिती उपलब्ध स्त्रोतावरून देण्यात आलेली आहे. याच्या तथ्यांबद्दल MP मराठी Breaking कोणताही दावा करीत नाही.)