आश्विन महिन्याच्या पहिल्या दिवसापासून नऊ दिवस नवरात्र असते. त्यानंतरचा दहावा दिवस म्हणजेच ‘दसरा’, ह्याच सणाला विजयादशमी असेही म्हणतात. या वर्षी 2 ऑक्टोबर रोजी दसरा सण साजरा केला जात आहे.  दसरा या सणाची परंपरा फार पूर्वीपासूनची आहे. याच दिवशी देवीने महिषासुर या राक्षसाचा वध केला. प्रभू रामानेही याच दिवशी रावणाचा वध केला. विजयादशमी म्हणजे वाईटावर चांगल्याचा विजय मिळवून देणारा दिवस. या दिवशी शमीच्या पानांची पूजा करण्याला देखील महत्त्व आहे. काय आहे शमीच्या पानांचे महत्त्व जाणून घेऊया..

शमीच्या पानाला सोने का म्हणतात?

एका कथेत इंद्रदेवांनी राजांना सुवर्णमुद्रा आपट्याच्या पानांच्या स्वरूपात दिल्या होत्या. हे सोने आपट्याच्या पानांमध्ये साठवले जात असे. या परंपरेमुळे दसऱ्याला आपट्याच्या पानांना सोने मानले जाते आणि याच परंपरेत शमीच्या पानांनाही सोन्याचे प्रतीक मानले जाते. 

महाभारतातील पांडव आणि शमीच्या पानांचा काय आहे संबंध?

शमीच्या पानाला सोने म्हणतात कारण विजयादशमीच्या दिवशी पांडवांनी आपली शस्त्रे शमी वृक्षावर ठेवली होती आणि नंतर विजय मिळवल्यानंतर त्यांनी ती परत घेतली, त्यामुळे शमीला विजयाचे आणि संपत्तीचे प्रतीक मानले जाते.

अज्ञातवासात असताना पांडवांनी आपली शस्त्रे कपड्यांमध्ये गुंडाळून शमी वृक्षाच्या ढोलीत ठेवली होती. अज्ञातवास संपल्यानंतर त्यांनी दसऱ्याच्या दिवशी शमी वृक्षाची पूजा करून आपली शस्त्रे परत घेतली आणि कौरवांवर स्वारी करून विजय मिळवला. 

शमीच्या पानांचे महत्त्व

शमीच्या झाडाला विजयाचे आणि समृद्धीचे प्रतीक मानले जाते. दसऱ्याच्या दिवशी शमीची पूजा करून ‘सोनं’ वाटल्याने जीवनात विजय आणि समृद्धी येते. शमी वृक्ष सकारात्मक ऊर्जा आकर्षित करतो आणि नकारात्मक प्रभावांना दूर ठेवतो. शमी वृक्ष शुभ मानला जातो आणि ज्योतिषशास्त्रानुसार, तो शनीशी संबंधित आहे आणि शुभ फळे देतो. हे पान भगवान शिव, गणपती आणि शनिदेवाला प्रिय मानले जाते, तसेच वाईट शक्तींपासून संरक्षण, संपत्ती आणि यश मिळवण्यासाठी याचा उपयोग होतो. दसऱ्याला शमीची पाने एकमेकांना सोन्याच्या रूपात देऊन शुभेच्छा देण्याची प्रथा आहे.  

(टीप : वरील सर्व बाबी MP मराठी Breaking  केवळ माहिती म्हणून वाचक-प्रेक्षकांपर्यंत पोहोचवत आहे. यातून MP मराठी Breaking  कोणताही दावा करत नाही.)