भारतामध्येच नव्हे तर परदेशातही हनुमानजींचे असंख्य भक्त आहेत. पुराणांनुसार बजरंगबलींच्या कृपेने व्यक्तीला सर्व प्रकारच्या संकटांतून मुक्ती मिळते. स्वतः श्रीराम संकटात असताना हनुमानजींनी त्यांचे दुःख दूर केले होते. हनुमानजींची पूजा करण्यासाठी हनुमान जन्मोत्सव म्हणजेच हनुमान जयंतीचा दिवस अत्यंत श्रेष्ठ मानला जातो.
नववर्षात हनुमान जयंती २ एप्रिल २०२६ रोजी साजरी होणार आहे. हनुमानजींची पूजा केल्याने सर्व कष्टांचा नाश होतो, असे मानले जाते. श्रद्धेने आणि सच्च्या मनाने हनुमानजींचे स्मरण केल्यास बजरंगबली भक्तांची प्रत्येक वेदना दूर करतात, अशी भाविकांची श्रद्धा आहे.
हनुमान जयंती २०२६ : तिथी व मुहूर्त
चैत्र पौर्णिमा तिथी १ एप्रिल २०२६ रोजी सकाळी ७.०६ वाजता सुरू होईल आणि २ एप्रिल २०२६ रोजी सकाळी ७.४१ वाजता समाप्त होईल.
पूजा मुहूर्त – हनुमानजींची पूजा पहाटे ४ वाजल्यापासून रात्री ९ वाजेपर्यंत करता येते.
हनुमान जयंती पूजा विधी
- सर्वप्रथम मंदिरात तुपाचा दिवा लावा.
- हनुमानजींचा गंगाजलाने अभिषेक करा.
- अभिषेकानंतर स्वच्छ वस्त्राने मूर्ती पुसा.
- शेंदूरात तूप किंवा चाफ्याचे (चमेलीचे) तेल मिसळा.
- हनुमानजींना शेंदूराचा चोळा चढवा. हनुमान जन्मोत्सवाच्या दिवशी चोळा चढवल्यास संपूर्ण वर्षभर चोळा अर्पण केल्याचे पुण्य मिळते, असे मानले जाते.
- सर्वप्रथम हनुमानजींच्या डाव्या पायाला चोळा चढवा.
- चोळा चढवल्यानंतर चांदी किंवा सोन्याचा वर्ख अर्पण करा.
- हनुमानजींना जानवे घाला.
- त्यानंतर नवीन वस्त्र अर्पण करा.
- चोळा चढवल्यानंतर हनुमानजींना नैवेद्य दाखवा.
- हनुमानजींची आरती करा.
- किमान एकदा तरी हनुमान चालीसाचा पाठ करा.
हनुमान जयंती उपाय
हनुमान जन्मोत्सवाच्या दिवशी हनुमानजींच्या मंदिरात जाऊन ११ वेळा हनुमान चालीसाचा पाठ करावा. त्यानंतर गुलाबाची माळ अर्पण करून चाफ्याच्या तेलाचा दिवा लावावा, ज्यामध्ये दोन लवंगा घालाव्यात. हा उपाय केल्यास घरातील अनावश्यक खर्च कमी होतो, अशी मान्यता आहे.
