दसऱ्याच्या सणानंतर चार दिवसांनी, पौर्णिमा रात्री, ज्याला शरद पौर्णिमा किंवा कोजागिरी पौर्णिमा असेही म्हणतात, शरद ऋतूला सुरुवात होते. यावर्षी कोजागिरी पौर्णिमा 6 ऑक्टोबर 2025 रोजी साजरी केली जाईल. अश्विन महिन्यातील पौर्णिमेला शरद पौर्णिमा म्हणतात. यामागील पौराणिक कथा काय आहे जाणून घ्या…
पौराणिक कथा
कोजागरी पौर्णिमेच्या पौराणिक कथेनुसार, या दिवशी समुद्रमंथनातून देवी लक्ष्मी प्रकट झाली होती, त्यामुळे याला धनप्राप्तीसाठी उत्तम दिवस मानले जाते आणि लक्ष्मीची विशेष पूजा केली जाते. तसेच, द्वापरयुगात श्रीकृष्णाने याच पौर्णिमेला चंद्राच्या प्रकाशात महारास केला होता, ज्याने प्रसन्न होऊन चंद्राने अमृतवर्षाव केला, असे मानले जाते. या दिवशी चंद्र १६ कलांनी परिपूर्ण असतो, त्यामुळे या पौर्णिमेला ‘शरद पौर्णिमा’ असेही म्हणतात.
‘कोजागरी’ या शब्दाचा अर्थ आहे?
‘कोजागरी’ या शब्दाचा अर्थ “जागृत कोण आहे” असा होतो, कारण या दिवशी देवी लक्ष्मी रात्री घरी येऊन ‘कोण जाग आहे का?’ असे विचारते आणि जागे असलेल्यांना आशीर्वाद देते. असे मानले जाते की या रात्री देवी लक्ष्मी पृथ्वीवर फिरते आणि जागृत असलेल्या भक्तांना संपत्ती आणि समृद्धीचे आशीर्वाद देते. हा सण आश्विन पौर्णिमेला साजरा केला जातो आणि या दिवशी चंद्रप्रकाशात दूध पिण्याची आणि फळे खाण्याची परंपरा आहे.
(टीप : वरील सर्व बाबी MP मराठी Breaking केवळ माहिती म्हणून वाचक-प्रेक्षकांपर्यंत पोहोचवत आहे. यातून MP मराठी Breaking कोणताही दावा करत नाही.)
