हिंदू धर्मात मंगळा गौरी व्रताचे विशेष महत्त्व आहे. श्रावण महिन्यात पाळला जाणारा हा एक पवित्र व्रत मानला जातो. श्रावण महिना 25 जुलै, 2025 पासून सुरू होत आहे, आणि श्रावण महिन्यातील प्रत्येक मंगळवारी मंगळा गौरी व्रत पाळले जाते. या दिवशी देवी पार्वतीची पूजा केली जाते. यावर्षी मंगळा गौरी व्रत कधी सुरू होईल ते जाणून घेऊया….

श्रावणातील पहिली मंगळागौर कधी केली जाणार?

श्रावण महिन्यात मंगळागौरीला विशेष महत्त्व आहे. या महिन्यातील प्रत्येक मंगळवारी मंगळागौरीचे पूजन केले जाते. मंगळागौरीचे व्रत हे पार्वती देवी म्हणजेच गौरीला समर्पित आहे. घरात समृद्धी यावी, उत्तम आरोग्य लाभावं आणि वैवाहिक सुखाच्या आशीर्वादासाठी यासाठी मंगळागौरीचे पूजन केले जाते. श्रावण महिना 25 जुलै 2025 पासून सुरू होत आहे आणि मंगळागौरीचे व्रत श्रावण महिन्यातील प्रत्येक मंगळवारी केले जाते. यावर्षी पहिली मंगळागौर 29 जुलै 2025 रोजी असेल. 

मंगळागौरी व्रताचे महत्त्व

मंगळागौरी व्रत, श्रावण महिन्यात नवविवाहित महिलांसाठी खूप महत्वाचे आहे. हे व्रत गौरी (पार्वती) देवीला समर्पित आहे आणि पतीच्या दीर्घायुष्यासाठी आणि सुखी वैवाहिक जीवनासाठी ठेवले जाते. नवविवाहित महिलांसाठी हे व्रत महत्त्वाचे आहे. त्या माहेरी जाऊन हे व्रत करतात आणि गौरी देवीची पूजा करतात. मंगळागौरीचे व्रत हे विवाहित महिलांसाठी खूप महत्वाचे मानले जाते. स्त्रिया हे व्रत आपल्या पतीला आणि घराला सुख-समृद्धी लाभावी यासाठी करतात. तसेच, या व्रताने स्त्रियांचे आरोग्य चांगले राहते, आणि घरात सुख-शांती नांदते

मंगळागौरी व्रताची कथा