तुम्ही नारळी पौर्णिमा असो किंवा रक्षाबंधन दोन्हीसाठी घरी गोड पदार्थ म्हणून नारळापासून वेगवेगळे पदार्थ बनवू शकता. सणावाराच्या निमित्तानं, आपण गोडाधोडाचे पदार्थ बनवत असतो त्यासाठी खास नारळाची खीर कशी बनवायची याची परफेक्ट रेसिपी आज आपण पाहणार आहोत…चला तर मग जाणून घेऊया…
साहित्य
- एक कप ओल्या नारळाचा खव
- दोन कप दूध
- अर्धा कप साखर
- एक चमचा वेलची पूड
- काजू किंवा बदाम
कृती
- एका पातेल्यात दूध गरम करा.
- दूध गरम झाल्यावर त्यात नारळ आणि साखर टाका.
- मध्यम आचेवर 10-15 मिनिटे शिजवा.
- दूध थोडे आटल्यावर त्यात वेलची पूड टाका.
- गरमागरम किंवा थंडगार नारळाची खीर काजू किंवा बदामांनी सजवून सर्व्ह करा.
टीप
- तुम्ही तुमच्या आवडीनुसार साखर आणि ड्रायफ्रुट्सचे प्रमाण कमी-जास्त करू शकता.
- तुम्ही खीर थोडी पातळ किंवा घट्ट करण्यासाठी दूधाचे प्रमाण कमी-जास्त करू शकता.
- नारळाच्या खिरीला आणखीन छान चव येण्यासाठी तुम्ही त्यात थोडंसं केशर देखील टाकू शकता.






