सध्या श्रावण महिन्यात अनेकजण मोठ्या श्रद्धने उपवास करतात. श्रावण महिन्यात उपवासाचे आणि पारंपरिक पदार्थांना विशेष महत्त्व आहे. आज आपण कांदा-लसूण न वापरता मसूरची आमटी कशी बनवायची हे जाणून घेऊयात…
साहित्य
- 1 वाटी मसूर डाळ
- 1/2 वाटी खोबरे (बारीक केलेले)
- 1 इंच आले (बारीक केलेले)
- 2-3 हिरव्या मिरच्या
- 1/2 टोमॅटो (बारीक चिरलेला)
- 1/4 चमचा मेथीदाणे
- 1/2 चमचा मोहरी
- 1/2 चमचा जिरे
- 1 चमचा धने पावडर
- 1/4 चमचा हळद
- चिंच किंवा आमसूल (आवडीनुसार)
- 1 चमचा तेल
- 2-3 कढीपत्ता
- कोथिंबीर (बारीक चिरलेली)
- मीठ (चवीनुसार)
- पाणी
कृती
- मसूर डाळ स्वच्छ धुवून कुकरमध्ये 3-4 शिट्ट्या घेऊन शिजवून घ्या.
- एका कढईत तेल गरम करून त्यात मोहरी, मेथीदाणे आणि जिरे टाका.
- नंतर कढीपत्ता, आले आणि मिरची घालून परतून घ्या.
- टोमॅटो घालून चांगले मिक्स करा आणि मऊ होईपर्यंत शिजवून घ्या.
- बारीक केलेले खोबरे, धने पावडर आणि हळद घालून मिक्स करा.
- शििजलेली डाळ, चिंच किंवा आमसूल आणि मीठ घालून चांगले मिक्स करा.
- आवश्यकतेनुसार पाणी घालून आमटीला उकळी येऊ द्या.
- शेवटी, कोथिंबीर घालून गॅस बंद करा.
- गरमागरम मसूर आमटी भात किंवा पोळी सोबत सर्व्ह करा.
