Shravan Special Recipes: श्रावण महिन्यात भगवान महादेवाची पूजा केली जाते. तसेच प्रत्येक सोमवारी उपवास केला जातो. उपवासाला अनेक पदार्थ बनवले जातात. आज आपण अशीच एक उपवासाची रेसिपी पाहणार आहोत. चला पाहूया शिंगाड्याच्या लाडूची रेसिपी…
शिंगाड्याच्या पिठाचे लाडू बनवण्यासाठी साहित्य-
१०० ग्रॅम शिंगाड्याचे पीठ
५० ग्रॅम सुके नारळ
१/२ कप तूप
१०० ग्रॅम गूळ
१/२ टीस्पून वेलची पावडर
१०० ग्रॅम मिक्स्ड ड्राय फ्रूट्स
शिंगाड्याच्या पिठाचे लाडू बनवण्याची रेसिपी-
शिंगाड्याच्या पिठाचे लाडू बनवण्यासाठी सर्वप्रथम, नारळ किसून घ्या आणि ड्रायफ्रूट्स बारीक चिरून घ्या, नारळ दोन ते तीन मिनिटे भाजून घ्या.
कढईमध्ये दोन चमचे तूप टाका आणि ड्रायफ्रूट्स हलकेसे तळून घ्या आणि बाहेर काढा, नंतर त्याच पॅनमध्ये उरलेले तूप टाका आणि शिंगाड्याचे पीठ मंद आचेवर पाच ते सहा मिनिटे भाजून घ्या.
शिंगाड्याचे पीठ जास्त वेळ भाजावे लागत नाही, जेव्हा पिठाचा रंग थोडा बदलतो आणि भाजलेल्या पीठाचा सुगंध येऊ लागतो, तेव्हा गॅस बंद करा.
गॅस बंद करा आणि त्यात गूळ घाला आणि चांगले मिसळा, पिठाच्या उष्णतेमुळे गूळ वितळेल, नंतर त्यात वेलची पावडर, नारळ आणि ड्रायफ्रूट्स घाला, थोडे थंड झाल्यावर त्याचे लाडू बनवा.
लाडू बनवताना गरज पडल्यास दोन ते तीन चमचे तूप गरम करून त्यात घाला.
